کرونا متاثرین کیلئے طیب اردگان نے تمام حکمرانوں کیلئے نئی مثال قائم کر دی
31 مارچ 2020 (16:37) 2020-03-31

 انقرہ : کورونا وائرس کے پھیلاؤ کو روکنے اور متاثرہ مریضوں کی امداد کے لیے ترک صدر رجب طیب اردوان نے قومی فنڈ میں اپنی7ماہ کی تنخواہ جمع کرادی۔

اس حوالے سے غیر ملکی خبر رساں ایجنسی نے اپنی رپورٹ میں کہا کہ ترک صدر کی جانب سے قومی فنڈ میں اپنی تنخواہ جمع کرائے جانے کے بعد ترک کابینہ کے اراکین نے بھی قومی فنڈ میں رقم جمع کرا دی ہے۔

مجموعی طور پر کابینہ ارکان نے 50 لاکھ ترک لیرا سے زائد رقم جمع کرائی جو کہ تقریبا 8 لاکھ امریکی ڈالر بنتے ہیں۔ صدر نے قومی فنڈ اور قومی یکجہتی پروگرام کا اعلان کرتے ہوئے دعویٰ کیا کہ ترکی میں دیگر ممالک کے مقابلے کورونا وائرس سے نمٹنے کے اچھے انتظامات ہیں اور حکومت نے مریضوں کا علاج کرنے کے لیے عارضی اسپتال بھی بنائے ہیں۔


ای پیپر