اسلامی ممالک کا مشترکہ چینل اسلامو فوبیا کا مقابلہ بھی کرے گا: عمران خان
اسلام آباد: پاکستان، ملائیشیا اور ترکی کا مشترکہ انگریزی چینل کھولنے کا فیصلہ، وزیراعظم عمران خان نے ٹوئٹ میں کہا ہم نے میٹنگ میں بی بی سی کی طرز پر انگریزی چینل قائم کرنے کا فیصلہ کیا ہے، چینل کے ذریعے مسلمانوں کے مسائل کو اجاگر کیا جائے گا، ٹی وی چینل اسلامو فوبیا کا مقابلہ بھی کرے گا۔
ہماری وہ ملاقات جس میں ہم نے بی بی سی کی طرز پر انگریزی چینل کے آغاز کا فیصلہ کیا جو مسلمانوں کو درپیش مسائل اجاگر کرنے کے علاوہ "اسلاموفوبیا" کیخلاف بھی برسرپیکار ہوگا۔ pic.twitter.com/w8NTmouCVf
— Imran Khan (@ImranKhanPTI) September 30, 2019
دوسری جانب وزیراعظم عمران خان میر پور آزاد کشمیر کے زلزلہ سے متاثرہ علاقوں کا دورہ کریں گے، وزیر اعظم ڈویژنل ہیڈ کوارٹر ہسپتال میں زخمیوں کی عیادت کریں گے، وزیر اعظم عمران خان ہیلی کاپٹر کے ذریعے امدادی کارروائیوں کا جائزہ لیں گے، چیئرمین این ڈی ایم اے وزیراعظم کو زلزلے سے متعلق بریفنگ بھی دیں گے۔
