افغان فوجی نے امریکی فوجیوں پر فائرنگ کر دی
30 جولائی 2019 (21:49) 2019-07-30

قندھار :افغانستان میں امریکی فوج کو بڑا نقصان اُٹھانا پڑ گیا ، افغان جنگ کے آخری مراحل میں جہاں طالبان سے مذاکرات کی باتیں چل رہی ہیں وہیں افغان فوجی نے فائرنگ کر کے 2امریکی فوجیوں کو موت کے گھاٹ اتار دیا ۔

بین الاقوامی خبر رساں ادارے کے مطابق یہ واقعہ قندھار کے ضلع شاہ ولی کوٹ میں تناجوہ فوجی کیمپ کے اندر پیش آیا جہاں ایک افغان فوجی نے امریکی فوجیوں پر فائر کھول دیا جس کے نتیجے میں 2 امریکی فوجی ہلاک اور3 زخمی ہوگئے۔ جوابی کارروائی میں حملہ آور افغان فوجی بھی ہلاک ہوگیا۔ امریکی حکام نے اسے اندرونی حملہ قرار دیا ہے جبکہ ہلاک امریکی فوجیوں کا تعلق 82 ایئر بورن ڈویڑن سے تھا۔

نیٹو کے آپریشن ریزولوٹ سپورٹ کے مطابق رواں سال افغانستان میں حملوں کے دوران مارے گئے امریکی فوجیوں کی تعداد 14 ہوگئی ہے،دوسری جانب امریکی وزیر خارجہ مائیک پومپیو نے ایک تازہ بیان میں کہا ہے کہ 2020 تک افغانستان میں امریکی فوجیوں کی تعداد میں کمی کی جائے گی۔


ای پیپر