فوٹوبشکریہ فیس بک

بالی ووڈ فلم ’منٹو‘ میں مرکزی کردار ادا کرنیوالے نواز الدین صدیقی نے صرف ایک روپیہ معاوضہ لیا
30 اگست 2018 (11:47) 2018-08-30

ممبئی : بالی ووڈ فلممنٹو ‘ میں مرکزی کردار ادا کرنے پر لئے گئے معاوضے پر اداکار نواز الدین صدیقی نے سب کو حیران کردیا کیونکہ انہوں نے صرف ایک روپیہ میں اپنی اداکاری کے جوہر دکھائے۔

بھارتی میڈیا رپورٹس کے مطابق بالی وڈ اداکار نواز الدین صدیقی اپنی جاندار اداکاری اور کردار میں ڈھل جانے کے باعث شہرت رکھتے ہیں اور یہی وجہ ہے کہ انہیں ور سٹائل اداکار کہا جاتا ہے۔

بالی وڈ اداکار نے فلمی کیرئیر میں اب تک جتنے کردار کیے ہیں ، وہ مداحوں کو بے حد پسند آئے ہیں اور ان کا شمار بالی وڈ کے تینوں خانز کے ساتھ کام کرنے والے چند ہی اداکاروں میں ہوتا ہے۔

نواز الدین صدیقی نے نامور افسانہ نگار سعادت حسن منٹو کی زندگی پر بننے والی فلم میں مرکزی کردار ادا کیا ہے اور فلم کے ٹریلر اور ڈائیلاگز پروموز کو فلم بینوں نے بے حد سراہا ہے۔

فلممنٹو ‘ کو رواں سال ’کانز فلم فیسٹول‘ میں بھی پیش کیا گیا تھا جہاں فلم کو بے حد پسند کیا گیا لیکن اب اس فلم کے لیے نواز الدین کے معاوضے نے سب کو حیران کردیا ہے۔

فلممنٹو ‘ کی ہدایت کارہ نندتا داس کا اپنے بیان میں کہنا ہے کہ فلممنٹو ‘ کے لیے رشی کپور اور جاوید اختر نے ایک پیسہ بھی وصول نہیں کیا ہے جب کہ فلم میں سعادت حسن منٹو بننے والے نواز الدین صدیقی نے اس کردار کے لیے صرف ایک روپیہ معاوضہ لیا ہے۔

خیال رہے کہ رشی کپور نے فلممنٹو ‘ میں فلم پروڈیوسر جب کہ جاوید اختر نے شاعر ’عابد علی عابد‘ کا کردار ادا کیا ہے۔ سعادت حسن منٹو کی زندگی پر بننے والی فلممنٹو ‘ 21 ستمبر کو نمائش کے لیے پیش کی جائے گی۔


ای پیپر