رمضان المبارک میں حکومت کی طرف سے عوام کیلئے بڑی خوشخبری
30 اپریل 2019 (19:25) 2019-04-30

لاہور: لیسکو چیف مجاہد پرویز چٹھہ نے لاہوریوں کو بڑی خوشخبری سنادی اور کہا ہے کہ رمضان المبارک کے دوران گھریلو اور کمرشل صارفین کو بجلی کی بلا تعطل سپلائی جاری رہے گی۔

لیسکو چیف مجاہد پرویز چٹھہ نے شہری علاقوں اور انڈسٹری کو بجلی کی سپلائی بحال رکھنے کے عزم کا اظہار کرتے ہوئے کہا کہ آج تک بجلی کی طلب اور رسد ڈیمانڈ کے مطابق ہے، رمضان پلان تیار کرلیا، گھریلو و کمرشل صارفین کیلئے لوڈشیڈنگ نہیں کریں گے، اگر کسی جگہ بہت ضروری ہوا تو فیڈر پالیسی کے تحت جائزہ لیں گے۔

انہوں نے کہا کہ شہر کی بجائے دیہی علاقوں میں ضروری ہوا تو 2 سے 3 گھنٹہ کی لوڈشیڈنگ ہوسکتی ہے، ہر سال انڈسٹری میں افطاری سے سحری تک لوڈشیڈنگ کی جاتی تھی، اس دفعہ انڈسٹری کو بھی بجلی بحال رکھنے کا پلان بنایا ہے، حتمی فیصلہ 2 سے 3 دن میں ہو جائے گارمضان کے دوران تمام میں دفاتر میں ایمرجنسی ٹرانسفارمر ٹرالی موجود رہیں گے.

رمضان المبارک کے دوران شام کو تمام دفاتر میں سٹاف بڑھایا جائیگا، کسی بھی شکایت کا فوری ازالہ کیا جائے گا، کنٹرول روم میں مانیٹرنگ ہوگی، خود بھی وہاں بیٹھوں گا۔


ای پیپر