نئی ووٹرزلسٹ الیکشن کمیشن کی ویب سائٹ پر جاری ،تعداد میں حیران کن اضافہ
29 مارچ 2018 (21:17) 2018-03-29

اسلام آباد: الیکشن کمیشن نے نئی ووٹرزکی فہرست اپنی ویب سائٹ پر جاری کردی پاکستان میں رجسٹرڈ ووٹروںکی تعداد10کروڑ42لاکھ67ہزار581تک پہنچ گئی جن میں مرد ووٹرز کی تعداد5کروڑ84لاکھ63ہزار 228جبکہ خواتین ووٹرز کی تعداد4کروڑ58لاکھ4ہزار53 ہے ۔تفصیلات کے مطابق الیکشن کمیشن نے ووٹروں کی نئی فہرست اپنی ویب سائٹ پر جاری کردی جس کے مطابق پاکستان میں رجسٹرڈ ووٹروںکی تعداد10کروڑ42لاکھ67ہزار 581تک پہنچ گئی جن میں مرد ووٹرز کی تعداد5کروڑ84لاکھ63ہزار 228جبکہ خواتین ووٹرز کی تعداد4کروڑ58لاکھ4ہزار53تک پہنچ گئی ۔اسی طرح پنجاب کے ووٹرز کی تعدادپانچ کروڑ97لاکھ40ہزار95ہے جن میں مرد ووٹرز تین کروڑ32لاکھ94ہزار12جبکہ خواتین ووٹرز کی تعداد2کروڑ64لاکھ46ہزار83ہے ۔

سندھ میں ٹوٹل ووٹرز کی تعداد2کروڑ 20لاکھ66ہزار558ہے جن میں مرد ووٹرز کی تعدادایک کروڑ22لاکھ75ہزار322جبکہ خواتین ووٹرز کی تعداد97لاکھ91ہزار236ہے ۔ خیبر پختونخوا کے ٹوٹل ووٹرز کی تعدادایک کروڑ52لاکھ39ہزار571ہے جن میں 86لاکھ90ہزار 376مرد ووٹرز جبکہ 65لاکھ49ہزار195خواتین ووٹرز شامل ہیں ۔ بلوچستان کے رجسٹرڈ ووٹرز کی تعداد41لاکھ94ہزار311ہے جن میں مرد ووٹرز کی تعداد24لاکھ28ہزار 370جبکہ خواتین ووٹرز کی تعداد17لاکھ65ہزار941ہے ۔ فاٹا میں رجسٹرڈ ووٹرز کی تعداد22لاکھ 96ہزار 849ہے جن میں 13لاکھ86ہزار32مرد ووٹرز جبکہ 9لاکھ دس ہزار 817خواتین ووٹرز شامل ہیں ۔ فیڈرل ایریا میں رجسٹرڈ ووٹرز کی تعدادسات لاکھ 30ہزار197ہے جن میں 3لاکھ89ہزار116مرد ووٹرز جبکہ 3لاکھ 41ہزار81خواتین ووٹرز شامل ہیں ۔


ای پیپر