پی ایس ایل سپاٹ فکسنگ کیس:معروف کرکٹر شاہ زیب پر پابندی عائد کر دی گئی
28 فروری 2018 (16:16)

لاہور :گزشتہ سال پی ایس ایل نے مختلف کھلاڑیوں کا اصل چہرہ منظر عام پر لے آیا ۔جس میں متعدد کھلاڑیوں پی ایس ایل سپاٹ فکسنگ سکینڈل میں ملوث پائے گئے۔انہی میں ایک اہم کردار شاہ زیب کا بھی تھا ۔ پاکستان سپر لیگ ( پی ایس ایل ) کے دوسرے ایڈیشن میں اسپاٹ فکسنگ الزامات کے بعد معطل ہونے والے کرکٹر شاہ زیب حسن پر ایک سال کی پابندی اور 10 لاکھ روپے جرمانہ عائد کردیا گیا۔پاکستان کرکٹ بورڈ کے اینٹی کرپشن یونٹ نے 3 شقوں کی خلاف ورزی پر شاہ زیب حسن کو چارج شیٹ کیا تھا۔

ان پر کھلاڑیوں کو ا کسانے اور بکیز سے رابطوں کو رپورٹ نہ کرنے کا الزام لگایا گیا ہے۔ شاہ زیب حسن کیس کی اینٹی کرپشن ٹریبونل میں گزشتہ سال 21 اپریل سے سماعت شروع ہوئی اور ان کے خلاف اسپاٹ فکسنگ کیس کا فیصلہ 31 جنوری کو محفوظ کیا گیا تھا۔یاد رہے کہ اسپاٹ فکسنگ میں نام سامنے آنے کے بعد شاہ زیب حسن کو 17 مارچ 2017 کو معطل کیا گیا تھا۔اسپاٹ فکسنگ الزام میں شرجیل خان اور خالد لطیف کو بھی معطل کیا گیا تھا، جبکہ ناصر جمشید کو سہولت کاری کے الزام میں عبوری طور پر معطل کیا گیا تھا۔


ای پیپر