چین امریکہ کشیدگی ،امریکی عملے کو بے دخل کر دیا گیا
27 جولائی 2020 (18:58) 2020-07-27

چین نے اپنے صوبے سیچوان کے شہر شینگڈو میں امریکی قونصل خانہ بند کراکے امریکیوں کو بیدخل کرکے کنٹرول سنبھال لیا۔

عالمی خبر رساں ادارے کے مطابق چين اورامریکا کے درمیان کشیدگی میں مزید اضافہ ہوگیا ہے اور چین نے امریکا کی جانب سے ہیوسٹن میں واقع چینی سفارت خانے کو بند کرنے کے جواب میں اپنے صوبے سیچوان کے شہر شینگڈو ميں واقع امريکی قونصل خانہ بند کرا دیا۔

چین نے امریکی سفارتکاروں کو قونصل خانہ خالی کرنے کے لیے 72 گھنٹے کی مہلت دی تھی جس کے بعد قونصل خانہ خالی کردیا گیا اورعمارت پر سے امریکی پرچم بھی اتارلیا گیا بعد ازاں چینی حکام شینگڈو کے امریکی قونصل خانے میں داخل ہوئے اورعمارت کا کنٹرول سنبھال لیا۔


ای پیپر