Pandemic, attack, Pakistan, patients, NCOC
27 جنوری 2021 (09:10) 2021-01-27

لاہور: پاکستان میں عالمی وبا کے مہلک وار جاری ، مزید 74 افراد انتقال کرگئے ، جاں بحق افراد کی مجموعی تعداد 11 ہزار 450 ہوگئی۔

تفصیلات کے مطابق 24 گھنٹے میں وبا کے مزید ایک ہزار 563 کیس رپورٹ ہوئے جبکہ 41 ہزار 285 ٹیسٹ کیے گئے۔ این سی او سی کی جانب سے جاری اعداد و شمار کے مطابق ملک میں وبا کے فعال مریضوں کی تعداد 33 ہزار 820 ہوچکی ہے جبکہ 5 لاکھ 37 ہزار 470 سے زائد متاثر ہیں۔

دوسری جانب دنیا بھر میں وبا سے متاثرہ افراد کی تعداد 10 کروڑ 8 لاکھ سے بڑھ گئی ہے جبکہ 21 لاکھ 67 ہزار 13 اموات ہوئیں ۔ برطانیہ میں ہلاکتوں کی تعداد ایک لاکھ سے بڑھ گئی ، ایک روز میں ایک ہزار 631 افراد ہلاک ہوئے ، بیس ہزار سے زائد نئے کیسز سامنے آئے۔

امریکا میں 24 گھنٹوں کے دوران مزید 4 ہزار 45 افراد جان سے گئے ، ہلاکتوں کی مجموعی تعداد 4 لاکھ 35 ہزار 452 ہوگئی۔

ادھر امریکی نائب صدر کاملا ہیرس کو منگل کے روز میری لینڈ کے شہر میں قومی انسٹی ٹیوٹ آف ہیلتھ کی جانب سے دوسری بار ویکسین لگا دی گئی ، کاملا ہیرس نے امریکیوں پر زور دیا ہے کہ جب یہ ویکسین دستیاب ہو جائے تو وہ ان کو حاصل کریں۔


ای پیپر