اقوام متحدہ کے اندر انصاف جیسی کوئی چیز موجود نہیں: طیب اردگان
27 دسمبر 2018 (16:14) 2018-12-27

انقرہ:صدر رجب طیب اردگان کا کہنا ہے کہ اقوام متحدہ کی سلامتی کونسل میں اور اقوام متحدہ کے اندر انصاف جیسی کوئی چیز موجود نہیں ۔

قومی کانگرس و ثقافت میں ترک سائنسی و تحقیقاتی ادارے اور ٹرکش سائنسنز اکیڈمی کی ایوارڈ تقریب سے خطاب میں ترک صدر طیب اردگان نے کہا کہ "17 ارب مسلمانوں پر مشتمل ممالک میں سے کسی ایک کا بھی سلامتی کونسل کے مستقل ارکان میں نمائندگی نہ کرنا اس حقیقت کی عکاسی کرتا ہے ، میں اس لیے کہتا ہوں کہ یہ دنیا پانچ ملکوں سے بڑی ہے۔ اقوام متحدہ کی سلامتی کونسل کے 5 ارکان کے ملکوں کے اعتبار سے حق بجانب نہ ہونے کی وضاحت کرنے والے ایردوان نے بتایا کہ ہر معاملہ 5 مستقل اراکین میں سے کسی ایک رکن پر انحصار کرتا ہے۔ کیا اقوام متحدہ کا قیام دنیا میں انصاف قائم کرنے کے مقصد کے تحت نہیں ہوا تھا؟ سلامتی کونسل کی چھت تلے انصاف نام کی کوئی چیز موجود نہیں اور نہ ہی ہمیں اس کی توقع رکھنی چاہیے۔

انہوں نے بتایا کہ بیرونی دنیا پر انحصار مسلم امہ کی تلخ حقیقت ہے، ہم لا چارگی سے دوچار ہیں۔ ہمیں قلبی یقین ہے کہ یہ صورتحال ٹھیک ہو جائیگی۔ ترکی نے گزشتہ 16 سالوں کی پالیسیوں کی بدولت دوسروں پر انحصار کی شرٹ کو ٹکڑوں میں بانٹ دیاہے۔ اب دوسروں کے دروازوں پر دستک دینے والا نہیں بلکہ اپنے پاں پر کھڑا ترکی سب کے سامنے ہے۔

صدر نے مزید کہا کہ جس طرح ترکی اپنی سرحدوں کے تحفظ پر حساسیت کا مظاہرہ کر رہا ہے اسی طرح یہ اپنے سرکاری رازوں کا بھی بھر پور طریقے سے تحفظ کرتا ہے۔ترکی کے سائنسی تحقیقات میں اب حدود پار کرنے کی بھی توضیح کرتے ہوئے ایردوان نے بتایا کہ دو ہفتے پیشتر ہم نے بیس سالہ خواب کو شرمندہ تعبیر کرتے ہوئے خلائی ایجنسی کا قیام عمل میں لایا ہے، جو کہ ترکی کو سپر لیگ تک پہنچانے والا ایک اہم قدم ہے۔


ای پیپر