Source : Yahoo

نوازشریف کی جیل سے باہر چائے پینی کی خواہش پوری نہ ہو سکی
27 اگست 2018 (19:23) 2018-08-27

اسلام آباد:احتساب عدالت میں نیب ریفرنس کی سماعت کے دوران سابق وزیراعظم نواز شریف کی جیل سے باہر کی چائے پینے کی خواہش بھی پوری نہ ہوسکی۔

پیر کو اسلام آباد میں احتساب عدالت کے جج ارشد ملک نے نوازشریف کے خلاف العزیزیہ اسٹیل ملز اور فلیگ شپ ریفرنسز کی سماعت کی، نوازشریف کو موبائل جمیرزاورایمبولینس سمیت 23 گاڑیوں پر مشتمل قافلے میں اڈیالہ جیل سے لایا گیا۔

سماعت کے دوران کمرہ عدالت میں پرویزرشید، مشاہد حسین سید، رانا تنویر، نزہت صادق، سعدیہ عباسی، مشاہداللہ خان اور بیرسٹر ظفر اللہ سمیت مسلم لیگ (ن)کے کئی رہنما موجود تھے۔ نوازشریف نے جیل سے باہرکی چائے پینے کی خواہش ظاہرکی تھی جسے پورا کرنے کے لیے مسلم لیگ (ن)کے رہنما ناصر بٹ وقفے کے دوران چائے لائے، سماعت میں وقفے کے دوران نواز شریف چائے پینے دیگر لیگی رہنماوں کے ہمراہ عدالت کے اسٹاف روم گئے لیکن وہاں مناسب جگہ نہ ہونے کے باعث وہ دوبارہ کمرہ عدالت میں پہنچے اوراس سلسلے میں اپنے وکیل سے بات کی تاہم انہوں نے سابق وزیراعظم کو کمرہ عدالت کے آداب کوملحوظ خاطر رکھنے کا مشورہ دیا۔مقدمے کی سماعت کے دوران سینیٹرغوث محمد نیازی نے گلاس میں پانی لاکر نوازشریف کو دیا جسے ان کے ہمراہ جیل سے آئے گارڈین نے واپس لوٹا دیا، گارڈین نے بعد میں خود پانی لاکر انہیں دیا۔


ای پیپر