ترکی نے مکمل لاک ڈاؤن کا اعلان کر دیا
سورس:   فائل فوٹو
27 اپریل 2021 (00:26) 2021-04-27

انقرہ: عالمی وبا قرار دیے جانے والے کورونا وائرس کے بڑھتے ہوئے کیسز کے پیش نظر ترکی نے 29 اپریل سے 17 مئی تک مکمل لاک ڈاؤن کرنے کا اعلان کردیا ہے۔

ترکی کے ذرائع ابلاغ نے بتایا ہے کہ ترکی میں مکمل لاک ڈاؤن کا اعلان صدر رجب طیب ایردوان نے کیا ہے۔ صدر رجب طیب ایردوان نے کابینہ کی تین گھنٹے طویل میٹنگ کے بعد میڈیا سے بات چیت کرتے ہوئے ملک میں لاک ڈاؤن کے نفاذ کا اعلان کیا۔

ترک صدر کا کہنا تھا کہ ہمیں فوری طور پر کورونا کے بڑھتےہوئے کیسز کو کم کرنا ہے وگرنہ اس کے منفی نتائج ہماری سیاحت اور تعلیم سمیت ہر شعبہ ہائے زندگی کو شدید متاثر کریں گے۔

ترکی کے ذرائع ابلاغ کے مطابق وزیر خارجہ مولود چاوش اولو نے بھارت کے وزیر خارجہ جے شنگر سے ٹیلی فون پر رابطہ کرکے انہیں کورونا وائرس سے پیدا شدہ صورتحال میں ہر ممکن امداد کی یقین دہانی کرائی ہے۔

ترک میڈیا کے مطابق ہونے والی بات چیت میں ترک وزیر خارجہ نے بھارتی حکومت اور عوام سے کورونا کی بگڑتی صورت حال کے پیش نظر اظہار یکجہتی کیا اور کہا کہ ترکی اس سلسلے میں ہر ممکنہ مدد کے لیے تیار ہے۔

بشکریہ( نیو نیوز)


ای پیپر