نادیہ جمیل نے بھارتی فلم ویر زارا میں مرکزی کردار ٹھکرایا تھا
26 جون 2019 (22:44) 2019-06-26

کراچی : نامور اداکارہ نادیہ جمیل نے انکشاف کیا ہے کہ بالی ووڈ کے ہدایت کار یش چوپڑا نے انہیں اپنی فلم ویر زارا میں رانی مکھرجی کا کردار ادا کرنے کی آفر دی، تاہم انہوں نے اس کردار کو نبھانے سے انکار کردیا۔

ایک انٹرویو میں نادیہ جمیل نے بتایا کہ انہوں نے اپنے کیریئر کے بہترین دور میں بالی ووڈ کی کامیاب فلم 'ویر زارا ' کے ہدایت کار یش چوپڑا سے ملاقات کی تھی۔انہوں نے انکشاف کیا کہ ہدایت کار یش چوپڑا نے انہیں فلم 'ویر زارا ' میں بولی وڈ کنگ شاہ رخ خان کے ساتھ کام کرنے کی آفر دی تھی۔ نادیہ جمیل نے بتایا کہ یش چوپڑا نے انہیں فلم میں رانی مکھرجی کا کردار ادا کرنے کی آفر دی، تاہم انہوں نے اس کردار کو نبھانے سے انکار کردیا۔

انہوں نے کہا کہ 'میرے کیریئر کا خاص حصہ وہ تھا جب میری ملاقات یش چوپڑا سے ہوئی، ویر زارا بننے ہی والی تھی، میری امی میرے ساتھ تھیں اور وہ میرے دو ماہ کے بیٹے کی دیکھ بھال کر رہی تھیں، لیکن مجھے اس وقت ایسا لگا کہ اگر میں ابھی اس راہ پر چل پڑی تو پھر مجھے اس کی عادت ہوجائے گی اور پھر میں اسے چھوڑ نہیں پائوں گی، اس وقت میں نے سوچا کہ یا تو میں ایک ماں بن جائوں یا پھر اداکارہ، اس لیے میں نے اس کردار کو ٹھکرا دیا، لیکن اس موقع پر میں یش چوپڑا اور ان کی فیملی سے کافی قریب ہوگئی۔


ای پیپر