ٹک ٹاک نے اشتہارات پر پابندی لگا دی 
25 ستمبر 2020 (23:05) 2020-09-25

بیجنگ:دنیا کی مقبول ترین لپ سنکنگ چینی ایپ ٹک ٹاک نے وزن کم کرنے والی سپلیمنٹس اور فاسٹنگ ایپ کے اشتہارات پر پابندی عائد کرنے کا اعلان کردیا۔

تفصیلات کے مطابق ٹک ٹاک نے اعلان کیا ہے کہ وہ باڈی شیمنگ سے متعلق اشتہارات پر پابندی عائد کر رہے ہیں۔کمپنی کی جانب سے جاری بیان میں کہا گیا ہے کہ ٹک ٹاک ڈائٹ، وزن کم کرنے والی پروڈکٹس اور باڈی شیمنگ سے متعلق تمام تر اشتہارات پابندی لگا رہا ہے۔

ٹک ٹاک ایپ نوجوانوں کی جانب سے سب سے زیادہ استعمال کی جانے والی ایپس میں سے ایک ہے اور اس پر باڈی شیمنگ سے متعلق اشتہارات کی بھرمار ہے۔گزشتہ چند ماہ کے دوران ایپ میں وزن کم کرنے کے حوالے سے پروڈکٹس کے اشتہارات میں اضافہ دیکھنے میں آیا ہے۔


ای پیپر