نااہل وزیراعظم پاکستان پر حکومت کر رہا ہے : مریم اورنگزیب
25 ستمبر 2019 (17:06) 2019-09-25

لاہور: مسلم لیگ (ن) کی تر جمان مریم اورنگزیب نے کہا ہے کہ ہم پاکستان کی عوام کے ساتھ کھڑے ہیں، اب ڈیل عمران خان مانگے گا اور عمران خان آج کل جو بیان دے رہے ہیں وہ بھی قومی سلامتی کے لیے خطرہ ہے لیکن ہم عمران کو غدار نہیں کہیں گے۔

احتساب عدالت کے باہر میڈیا سے بات کرتے ہوئے مریم اورنگزیب کا کہنا تھا کہ نالائق اور نااہل وزیراعظم پاکستان پر حکومت کر رہا ہے، آج عدالت میں لکھا گیا کہ جس کمپنی کا الزام مریم پر لگایا گیا وہ ان کے بالغ ہونے سے پہلے کی بنی ہے، نیب نے کہا کہ ابھی ہم نے نواز شریف، شہباز شریف اور حمزہ شہباز سے بھی تفتیش کرنی ہے، میں یہ پاکستانیوں سے کہوں گی کہ جس کے ساتھ شناختی کارڈ پر نام شریف لگتا ہے وہ ختم کروا لیں کیوں کہ یہ نیب صرف نواز شریف کا احتساب کر رہی ہے جس کے تمام احکامات بنی گالا سے آتے ہیں اور یہ بنی گالا نہیں فنی گالا ہے۔

مریم اورنگزیب نے کہا ہے کہ کوئی سوال کرے کہ مہنگائی کی شرح کیوں بڑھی، کوئی سوال کرے کہ پاکستان کا اتنا برا حال کیوں ہے تو اس کو جیل میں ڈال دو، پنجاب میں بھی نالائق وزیراعلی تعینات ہے، یہ نااہل ڈینگی پر بھی قابو نہیں کر سکے، 10 ہزار مریض جن کو ڈینگی برادرا کہتے تھے انہوں نے ڈینگی پر قابو پایا، ڈینگی ہیلپ لائن 6 سال سے شہباز شریف بنائی ہوئی ہے۔


ای پیپر