’’ شادیاں عام ۔۔۔ طلاقیں بھی عام۔۔۔ ؟؟‘‘
25 نومبر 2018 2018-11-25

آج ۔۔۔ کے لیے کچھ ضروری نسخہ جات ۔۔۔ زندہ رہنے کے لیے ۔۔۔ ورنہ ۔۔۔؟؟

’’ شادیاں عام ۔۔۔ طلاقیں بھی عام ‘‘ ۔۔۔؟

ویسے طلاق ’’دینے کا رواج پوری دنیا میں اس وقت پورے عروج پر ہے‘‘ ۔۔۔

ثمینہ صبح ساڑھے آٹھ بجے دفتر آئی ۔۔۔ ’’سر میں شوہر سے طلاق لے رہی ہوں‘‘ ۔۔۔

’’میں نہیں دوں گا طلاق‘‘۔۔۔ میرے منہ سے غیر ارادی طور پر نکلا ۔۔۔ ’’اوہ ۔۔۔ سر ۔۔۔ آپ سے نہیں، اپنے شوہر غلام قادر دھڑکن سے ۔۔۔ لے رہی ہوں طلاق؟‘‘ ۔۔۔

’’پچھلے سال بھی گرمیوں میں تم نے طلاق Apply کی تھی؟‘‘ ۔۔۔ ’’سر وہ تو صلح ہو گئی تھی ۔۔۔ اب کے پھر کوشش میں ہوں‘‘ ۔۔۔ ’’اللہ تمہاری مدد کرئے‘‘ ۔۔۔ میں نے دعا دی ۔۔۔

میں نے قلم ہاتھ سے چھوڑا ۔۔۔ سر اوپر اٹھایا ۔۔۔ پانی پیا جو گلاس میں بچا ہوا تھا ۔۔۔ شاید ۔۔۔ کل کا پڑا تھا ۔۔۔؟ 

’’سوری ثمینہ ۔۔۔ یہ دھڑکن بھائی نے شاعری چھوڑ دی یا ابھی ۔۔۔ ! وہ اُن کی مشہور کتاب ’’پارلیمنٹ سے ۔۔۔!

’’مجھے اس سے نفرت ہے آپ سر اُس کی شاعری لے بیٹھے ہیں ۔۔۔ اور اب آپ اُسے بھائی بھی نہیں کہیں گے؟‘‘ غصے میں بولی ۔۔۔ ’’جی ۔۔۔ کیوں؟‘‘ ۔۔۔ ’’دھڑکن کہہ لیا کروں‘‘ ۔۔۔؟ 

’’پتہ نہیں‘‘ ۔۔۔ اُس نے غصے میں کہا اور کمرے سے نکل گئی ۔۔۔ اپنا بھاری بھر کم بیگ وہیں بھول کر ۔۔۔ 

’’ٹرن ٹرن‘‘ ۔۔۔ ’’ٹرن ٹرن‘‘ ۔۔۔ فون کی بیل بجی ۔۔۔ ’’مذکر مونث بول رہے ہیں‘‘؟ ۔۔۔ میرا دل چاہا ۔۔۔ بد تمیزی کروں ۔۔۔؟ یہ کون ہے اور کیوں کسی مذکر مونث سے بات کرنا چاہتا ہے ۔۔۔

’’یار جلدی بتا ۔۔۔ کدھر ہے یہ مذکر مونث‘‘ ۔۔۔؟

’’یار‘‘ ۔۔۔ ’’میاں ہوش کر‘‘ ۔۔۔ میں نے غصے میں فون بند کر دیا ۔۔۔ پھر بیل ہوئی ۔۔۔ ’’تو تم پھر کون ہو ۔۔۔ جی مظفر محسن‘‘ ۔۔۔

’’تو میں نے اسی سے بات کرنی ہے بتانا تھا جو 18,500 والا پرائز بانڈ آپ کا نکلا تھا‘‘ ۔۔۔ ’’جی ۔۔۔ جی ۔۔۔ بولیں ۔۔۔ میں مذکر مونث ہی بول رہا ہوں‘‘ ۔۔۔

’’مظفر محسن ۔۔۔ اب کے اُس نے تصحیح کر دی‘‘ ۔۔۔ فون بند ۔۔۔ پھر میں کرتا رہا ۔۔۔ فون Busy ملتا رہا ۔۔۔

جہاں رقم کا معاملہ ہو گا ۔۔۔ ہمارا رویہ بدل جاتا ہے ۔۔۔ گرمیوں میں تو مت پوچھیں ۔۔۔؟!

’’ٹھاہ‘‘ ۔۔۔ دروازہ ۔۔۔ دیوار کے ساتھ زور سے لگا ۔۔۔ ’’سر میں نوکری چھوڑ رہا ہوں ۔۔۔ میں اس کمینے ۔۔۔ ’’بابُو صابُو‘‘ ۔۔۔ کے ساتھ گاڑی نہیں چلا سکتا‘‘ ۔۔۔

’’کیوں وجہ بیان کی جائے‘‘ ۔۔۔ میں نے محبت سے پوچھا ۔۔۔؟

’’یہ خود بھی دوپہر کو کھانا نہیں کھاتا ۔۔۔ اور مجھے بھی بھوکا مارتا ہے اس شدیدگرمی میں‘‘ ۔۔۔ 

’’بابُو‘‘ ۔۔۔ دور سے بولا ۔۔۔ ’’سر غلط بیانی کر رہا ہے میں اسے کھانے کے لیے سو روپیہ روز دیتا ہوں‘‘

’’کھانا تو نہیں کھلاتا‘‘ ۔۔۔ ’’کھانا کھانا ہوتا ہے ۔۔۔ سو روپیہ سو روپیہ ہوتا ہے‘‘ ۔۔۔ ڈرائیور غصے میں بولا ۔۔۔

شہزاد چیمہ میرے پاس بیٹھا تھا ۔۔۔ دروازہ کھلا ۔۔۔ ’’سر میں آ سکتا ہوں‘‘ ۔۔۔ ’’نہیں جی‘‘ ۔۔۔ چیمہ صاحب نے جواب دیا ۔۔۔

’’آپ صبح سے اس ’’جاہل کمال دین‘‘ کا انتظار کر رہے تھے ۔۔۔ وہ آیا ہے پسینے میں شرابور ۔۔۔ اُس نے پوچھا ۔۔۔ ’’سر میں آ سکتا ہوں‘‘ آپ نے کہہ دیا ۔۔۔ ’’نہیں جی‘‘ ۔۔۔؟

’’اُس نے کیوں پوچھا‘‘ ۔۔۔ چیمہ صاحب نے محبت سے کہا اور بھاگ کر اُس کے پیچھے چلا گیا ۔۔۔

محفل گرم تھی سب باتیں کر رہے تھے ۔۔۔ اچھے اخلاق کی، اچھے اعمال اور مذہبی اور وطن سے محبت کی ۔۔۔ اچانک وہ بولا ۔۔۔ ’’لاؤ ۔۔۔ جی ۔۔۔ میں اگر ڈاکٹر شکیل آفریدی کی جگہ غداری کرتا اور اُسامہ کا پتہ بتاتا تو دس ہزار ڈالر ہر گز نہ لیتا‘‘ ۔۔۔ خواجہ غلام مجتبیٰ سیلانی نے سنجیدگی سے کہا ۔۔۔

’’تو حضور ۔۔۔ آپ کتنے ڈالر وصول فرماتے اس غدارانہ عمل کے‘‘ ۔۔۔ میں نے سوچتے ہوئے پوچھا ۔۔۔

’’ایک ارب ڈالر ۔۔۔ کم از کم‘‘ ۔۔۔ خواجہ غلام مجتبیٰ سیلانی نے برجستہ کہا اور سر ہلاتا ہوا کمرے سے باہر نکل گیا ۔۔۔

’’گویا ۔۔۔ آپ کو موقع ملتا تو آپ بھی ؟‘‘ ۔۔۔ میں نے حیرت سے دیکھتے ہوئے پوچھا ۔۔۔ مگر وہ جا چکا تھا شاید غداری کا کوئی اور موقع تلاش کرنے ۔۔۔؟؟

میں دوپہر ساڑھے بارہ بجے دفتر سے چپکے سے بہانہ کر کے بچوں کو اسکول لینے گیا ۔۔۔ میں تو پسینے میں شرابور تھا ہی ۔۔۔ بابے نتھے کا گھوڑا بھی پسینے میں نہایا ہوا تھا ۔۔۔ بابا نتھا تانگے پہ بچوں کو اسکول لاتا اور لے جاتا ہے ۔۔۔ ستر سالہ بابا نتھا اپنے گھوڑے سے بھی زیادہ طاقتور محسوس ہوتا ہے ۔۔۔ ہمارے آجکل کے جوان اُسے دیکھ کر شرماتے ہیں ۔۔۔ باؤ جلال جامیؔ نے ہارن بجایا اُس کے آگے میں موٹر سائیکل پر تھا مجھے کچھ خاص بُرا نہ لگا ۔۔۔ کہ گرمی کی وجہ سے ہر کوئی فوراً نکل جانا چاہتا تھا کچھ لوگوں کے موڈ سے ۔۔۔ ہارن بجانے کے انداز سے لگ رہا تھا کہ اُن کو چونکہ گرمی برداشت نہیں ہو رہی شاید ہارن پہ ہارن بجاتے ہوئے بچوں کو یہیں چھوڑ کر نہ نکل جائیں ۔۔۔ مجھ سے آگے رحیم داد سواتی اپنی مرسیڈیز پر تھا اُس نے اتر کر جلال جامیؔ کو گریبان سے پکڑ لیا اور خوب گھسیٹا ۔۔۔ جلال جامیؔ نے محلے داری کا لحاظ کرتے ہوئے ہاتھ نہ اٹھایا اور شدید بدتمیزی کی وجہ پوچھی ۔۔۔؟

’’تم ہارن پر ہارن بجا کر مجھے شدید پریشان کر رہے تھے‘‘ ۔۔۔ رحیم داد نے کہا اور ’’وہ جو باقی پچاس لوگ مجھ سے بھی تیز اور خوفناک ہارن بجاتے ہی چلے جا رہے ہیں‘‘؟ ۔۔۔!

’’وہ تو تمہارے جتنے پڑھے لکھے اور سمجھدار نہیں‘‘ ۔۔۔ جلال جامیؔ نے گریبان چھوڑتے ہوئے جواب دیا اور جا کر اپنی گاڑی میں بیٹھ گیا ۔۔۔ اب کے جلال جامیؔ پہلے سے بھی زیادہ تیزی سے ہارن پہ ہارن بجانے لگا ۔۔۔ شاید غصے میں یا خیر سگالی کے طور پر ۔۔۔؟!!

پتھر کی طرح ہم نے تیرا سوگ منایا

دامن نہ کیا چاک کبھی بال نہ کھولے


ای پیپر