چیئرمین نیب نے اپنے خلاف منظر عام پر آنے والی ویڈیو اور آڈیو سے متعلق خاموشی توڑ دی
کیپشن:   Image Source : Facebook
25 May 2019 (17:19) 2019-05-25

لاہور :گزشتہ دنوں چیئرمین نیب کیخلاف آنے والی آڈیو اور ویڈیو کیخلاف تمام اپوزیشن جماعتوں کے شور شرابے کے بعد بالآخر جسٹس (ر)جاوید اقبال نے خاموشی توڑ دی ، چیئرمین نیب نے ویڈیو اور آڈیو میں ملوث طیبہ گل اور فاروق نول کیخلاف احتساب عدالت میں ریفرنس دائر کر دیا ۔

تفصیلات کے مطابق نیب کی طرف سے دائر کیا جانے والا ریفرنس 630 صفحات پر مشتمل ہے،جس میں فاروق نول اور طیبہ گل کو مرکزی ملزم نامزد کیا گیا ہے،ریفرنس میں کہا گیا کہ طیبہ گل اور فاروق نول کے خلاف نیب کو 6 شکایت موصول ہوچکی ہیں،ملزمان نے سادہ لوح شہریوں سے 2 کروڑ 44لاکھ 50ہزار روپے کا فراڈ کیا۔

ریفرنس کے مطابق گروہ نے چیئرمین سمیت متعداد افراد کو بلیک میل کیا،ملزمان کے خلاف 36گواہان نے نیب کو بیانات قلمبند کرائے،احتساب عدالت کے ایڈمن جج جواد الحسن نے ملزمان کو نوٹس جاری کرتے ہوئے 17جون کو طلب کرلیا ہے۔


ای پیپر