احتساب عدالت سے شہبازشریف کیلئے حاضری سے استثنیٰ
25 May 2019 (17:07) 2019-05-25

لاہور: احتساب عدالت نے رمضان شوگر ملز کیس میں اپوزیشن لیڈر شہبازشریف کی ایک دن کے لیے حاضری سے استثنیٰ کی درخواست منظور کرتے ہوئے شہبازشریف کے وکیل امجد پرویز کو ہدایت کی کہ وہ اپنے موکل سے ہدایات لے کر آئیں کہ وہ کس حتمی تاریخ کو عدالت کے سامنے پیش ہوں گے۔

تفصیلات کے مطابق رمضان شوگر ملز ریفرنس میں شہباز شریف بیرون ملک ہونے کی وجہ سے احتساب عدالت میں پیش نہ ہوسکے، حمزہ شہباز عدالت کے روبرو پیش ہوئے۔ شہبازشریف کے وکیل نے اپنے موکل کی حاضری سے استثنیٰ کی درخواست دائر کی جس میں موقف اختیار کیا گیا کہ پاکستان میں شہبازشریف کے ٹیسٹ کی سہولت میسر نہیں ہے۔نیب پراسیکیوٹر نے دلائل دیتے ہوئے کہا کہ شہبازشریف عدالت کی اجازت کے بغیر بیرون ملک گئے، ملزم کی جانب سے بار بار حاضری سے استثنیٰ کی درخواست دے دی جاتی ہے۔

 ملزم کی حاضری سے استثنیٰ کی بار بار کی درخواستوں کی وجہ سے کیس کا ٹرائل رکا ہوا ہے۔ عدالت نے شہبازشریف کی ایک دن کی حاضری سے استثنی کی درخواست منظور کرتے ہوئے شہبازشریف کے وکیل امجد پرویز کو ہدایت کی کہ وہ اپنے موکل سے ہدایات لے کر آئیں کہ وہ کس حتمی تاریخ کو عدالت کے سامنے پیش ہوں گے۔ احتساب عدالت نے رمضان شوگر ملز کیس کی سماعت 28 مئی تک کے لیے ملتوی کردی۔


ای پیپر