قابل اعتراض کام کرنے کا کہا گیا : نیرو باجوہ
25 جون 2019 (14:04) 2019-06-25

ممبئی : پنجابی گانے لونگ لاچی سے شہرت کی بلندیوں پر پہنچنے والی بھارتی اداکارہ 38 سالہ نیرو باجوہ نے پہلی بار بولی وڈ سے کنارہ کشی اختیار کرنے کی وجہ بتاتے ہوئے انکشاف کیا ہے کہ انہیں قابل اعتراض کام کرنے کا کہا گیا۔

  نیرو باجوہ نے ایک انٹرویو کے دوران انکشاف کیا کہ ماضی میں بولی وڈ میں انہیں نامناسب تجربے کا سامنا کرنا پڑ چکا ہے۔ جب وہ بولی وڈ میں کام کرنے لگی تھیں تو ان سے نامناسب کام کا مطالبہ کیا گیا۔اگرچہ پوری بولی وڈ انڈسٹری ایسی نہیں، تاہم انہیں ایک نامناسب تجربہ ہوا، جس وجہ سے انہوں نے بولی وڈ میں مزید کام نہیں کیا اور انہیں اس بات پر کوئی دکھ نہیں کہ وہ اب بولی وڈ کا حصہ نہیں۔

اداکارہ نے پنجابی شوبز میں اپنی جگہ بنانے میں کامیابی پر اطمینان کا اظہار کیا اور کہا کہ وہ خوش ہیں کہ وہ پنجابی فلموں اور ٹی وی کی نامور اداکارہ ہیں۔ انٹرویو کے دوران اداکارہ نے مزید کہا کہ اب ماضی کے مقابلے فلم انڈسٹری میں کافی تبدیلی آ چکی ہے اور اب خواتین کو 38 برس کی عمر میں بھی مرکزی کردار کے لیے کاسٹ کیا جاتا ہے، جس کی مثال وہ خود ہیں۔


ای پیپر