مہوش حیات کی ٹویٹ پر کراچی ایئر پورٹ کی تزئین و آرائش
25 فروری 2020 (14:43) 2020-02-25

کراچی: تمغہ امتیاز حاصل کرنے والی معروف اداکارہ مہوش حیات کی درخواست پر کراچی ایئر پورٹ میں مرمت کا کام شروع کردیا گیا۔

                                                                                                                             

مہوش حیات نے سماجی رابطے کی ویب سائٹ ٹوئٹر پر کراچی ایئر پورٹ پر جاری مرمت کے کام کی کچھ تصاویر شیئر کیں۔ مہوش حیات نے لکھا کہ آج میں کراچی ایئرپورٹ گئی اور وہاں یہ دیکھ کر مجھے بہت خوشی ہوئی کہ خواتین و حضرات کے لیے مختص کمروں میں مرمت کے کام کا آغاز ہوگیا ہے۔ ہمارے ملک میں آنے والے غیر ملکیوں پر ایئرپورٹ سب سے پہلے اثر انداز ہوتا ہے ،ان کو اچھا ہونا چاہیئے۔

انہوں نے لکھا کہ میں حکام کا شکریہ ادا کرتی ہوں کہ جنہوں نے میری دراخواست کو سن کر اس پر عمل کیا۔یاد رہے کہ گزشتہ دِنوں مہوش حیات نے ٹوئٹر پر کراچی ایئرپورٹ پر خواتین کے مختص کمرے کی گندگی کے حوالے سے ٹوئٹ کیا تھا۔ انہوں نے یہ سوال اٹھایا تھا کہ ملک میں آنے والوں کو ہم کیا تاثر دینا چاہتے ہیں؟


ای پیپر