انشاءاﷲ نواز شریف جلد اور پہلے سے زیادہ مضبوط ہوکر با ہر آئے گا :مریم نواز
لاہور : مریم نوا ز نے نوا زشریف کی سزا سے متعلق پہلا ردعمل دیتے ہوئے کہا کہ نواز شریف انشاءاﷲ اور مضبوط ہو کر باہر آئے گا ،انہوں نے کہا ایک شخص کو کتنی بار نشانہ بنا ﺅ گے ،کتنی بار سزا دو گے ،کتنی بار جیل بھیجے گو ؟
نواز شریف کیخلاف سنائے جانے والے فیصلہ پر مریم نواز نے ایک کے بعد ایک ٹوئٹ کرتے ہوئے کہا کہ حکومت کو نواز شریف کا خوف چین نہیں لینے دے رہا ،حکومت کو واضح پیغام دیتے ہوئے کہا کہ تمہار ے دن تھوڑے ہیں ،حکومتیں اپنے کرادار اور کارکردگی پر چلتی ہیں ،سیاسی مخالفین کو انتقام کا نشانہ بنانے پر نہیں ،یہ فیصلے حکومتی کمزور ی کی دلیل ہیں ۔
ایک ہی شخص کو چوتھی بار سزا ۔
اندھے انتقام کی آخری ہچکی
مگر فتح نواز شریف کی۔ اللّہ کا شکر،
ڈھائی سال کے طویل انتقام نما احتساب کے بعد، تین نسلیں کھنگالنے کے بعد، ایک پائی کی کرپشن نہ کِک بیک نہ کمشن۔ نا سرکاری خزانے میں رتی بھر خیانت۔
— Maryam Nawaz Sharif (@MaryamNSharif) December 24, 2018
مریم نوا زنے اپنے والد نواز شریف کیخلاف دو ریفرنسز کے فیصلہ کو اندھا انتقام قرار دیدیا ، مریم نواز نے مزید کہا کہ ’ڈھائی سال کے طویل انتقام نما احتساب کے بعد، تین نسلیں کھنگالنے کے بعد، ایک پائی کی کرپشن نہ کِک بیک نہ کمیشن۔ نا سرکاری خزانے میں رتی بھر خیانت۔
حکومتیں اپنے کردار اور کارکردگی پر چلتی ہیں،سیاسی مخالفین کو انتقام کا نشانہ بنانے پر نہیں۔ یہ حکومت کی کمزوری کی دلیل ہے۔ حکومتی اہلکار ہر روز یہ سوچ کر دفاتر کا رخ کرتے ہیں نواز شریف کے خلاف آج کیا کرنا ہے۔ نواز شریف انشاءاللہ اور مضبوط ہو گا۔ واپس آئے گا۔ جلد!
— Maryam Nawaz Sharif (@MaryamNSharif) December 24, 2018
مریم نواز کا کہنا تھا کہ کیونکہ حکومت،طاقت اور اختیارات ہوتے ہی ختم ہونے کے لیے ہیں، وقت بدلتے اور حالات الٹتے دیر نہیں لگتی، یاد رکھیں، ظلم جب حد سے بڑھتا ہے تو مٹ جاتا ہے۔
نواز شریف کے خلاف الزامات میں رتی برابر بھی سچائی ہوتی، ثبوت ہوتے یا ایک بھی گواہی ہوتی تو دس ہزار درہم کو بہانہ نا بنایا جاتا۔ خاندانی کاروبار اور جائز ذاتی لین دین کا سہارا نہ لینا پڑتا۔ یہی نواز شریف کی فتح ہے۔ نواز شریف کے ساتھ ساتھ مسلم لیگ ن کا ہر ووٹر بھی آج سرخرو ہوا۔
— Maryam Nawaz Sharif (@MaryamNSharif) December 24, 2018
