انوشکا شرما نے 4 کروڑ مالیت کی لگژری گاڑی خرید لی
23 نومبر 2018 (17:17) 2018-11-23

ممبئی : بالی وڈ اداکارہ انوشکا شرما نے 4 کروڑ مالیت کی لگڑری گاڑی خرید لی ۔ اداکارہ نے سوشل میڈیا پر اپنی نئی گاڑی کی تصویر بھی شیئر کی ۔

تفصیلات کے مطابق اداکارہ نے انسٹا گرام پر نئی گاڑی رینج روور کی تصویر شیئرکرتے ہوئے خوشی کا اظہار کیا جسکی مالیت تقریبا 4کروڑ روپے ہے۔ گاڑی کی خاص بات طویل وہیل بیس ہے جو اس کو لیموزین کے ہم پلہ بنا دیتی ہے۔

اس گاڑی میں جدید سکیورٹی سسٹم نصب ہے، جاذب نظر انٹیرئیر اور آرام دہ سفر انوشکا کو یہ گاڑی پسند آنے کی بنیادی وجوہات ہیں۔ اس گاڑی کا بیرونی دلکش اور فیشن ایبل سٹائل اسے دیگر لگڑری گاڑیوں میں ممتاز کرتا ہے۔

انوشکا شرما نے مادام تساو میوزیم سنگاپور میں رکھے گئے اپنے مجسمے کی بھی نقاب کشائی کی جس میں انوشکا کو سمارٹ فون پکڑے سیلفی لیتے دکھایا گیا ہے۔


ای پیپر