پاک ایران بارڈر بندکر دیا گیا
23 فروری 2020 (17:38) 2020-02-23

پاکستان نے ایران کے ساتھ اپنی سرحد کو عارضی طور پر بند کر دیا ہے اور اس کی وجہ ایران میں کورونا وائرس کی موجودگی بتائی گئی ہے۔

                                                                                                                                            

بلوچستان کے وزیر داخلہ میر ضیا اللہ لانگو نے ایک انٹرویو میں بتایا کہ ایران میں کورونا وائرس کی موجودگی کی اطلاع کے بعد عارضی طور پر ایران کے ساتھ تفتان کی سرحد کو بند کر دیا گیا ہے۔صوبائی انتظامیہ کو ہدایت دی ہے کہ وہ ہنگامی صورتحال سے نمٹنے کے لئے تفتان میں پاک ایران بارڈر کراسنگ پر ایک 100 بستروں والا خیمہ اسپتال قائم کریں۔اس سلسلہ میں ڈاکٹروں کی ایک ٹیم اسلام آباد سے تفتان پہنچ چکی ہے۔

یاد رہے کہ اس نئی پابندی کا اطلاق پاکستان سے ایران جانے والے زائرین پر بھی ہوتا ہے ۔پڑوسی ملک ایران میں کورونا وائرس سے اب تک 8 افراد جاں بحق ہو چکے ہیںوزیر اعظم عمران خان نے بھی ہفتے کے روز وزیراعلیٰ بلوچستان جام کمال الانی سے رابطہ کیا اور وائرس کو ملک میں داخل ہونے سے روکنے کے آپشنز پر تبادلہ خیال کیا۔ انہوں نے وزیر اعلی سے کہا کہ وہ پاک ایران سرحد کے ساتھ ساتھ صوبے میں تمام حفاظتی اقدامات کریں۔


ای پیپر