Image Source : Twitter

طویل عرصہ بعد اسحاق ڈار کا اہم بیان
23 فروری 2019 (17:10) 2019-02-23

لندن:پاکستان مسلم لیگ (ن) کے رہنما سابق وزیر خزانہ اسحاق ڈار نے کہا ہے کہ مقبوضہ کشمیر میں بھارت نے کشمیریوں پر ظلم کی انتہا کی، پلوامہ حملہ کشمیریوں پر ہونے والے ظلم کا رد عمل ہے، بھارت کی طرف سے جارحیت کا مل کر جواب دیا جائےگا، پاکستان ایک ایٹمی ملک ہے، کوئی کسی بھول میں نہ رہے، پاکستانی قوم کل بھی متحد تھی اور آج بھی پوری طرح متحد ہے۔

میڈیا سے گفتگو کرتے ہوئے سا بق وفاقی وزیر خزانہ اسحق ڈار نے کہا کہ دہشت گردی کی جنگ میں سب سے زیادہ نقصان پاکستان نے اٹھایا ہے، دہشت گردی کی جنگ میں پاکستان نے پچاس ہزار سے زائد سول، پولیس اور فوج کے جوانوں نے قربانی دی، مسلم لیگ ن کی حکومت نے دہشت گردی کے خلاف آپریشن کا آغاز کیا، پاکستان کی قربانیوں کے بعد الٹا پاکستان پر الزام لگانا قابل افسوس ہے۔دوسری جانب اسحاق ڈار کا لندن کے ہسپتال میں طبعی معائنہ کیا گیا۔

اسحق ڈار کی ریڑھ کی ھڈی کا سکین بھی کیا گیا جبکہ رپورٹ چند دن میں آئیگی۔ ڈاکٹرز نے اسحاق ڈار کو سرجری کروانے کا مشورہ دے دیا جبکہ انکی فیملی نے سرجری کی مخالفت کر دی ہے۔


ای پیپر