Image Source : Facebook

اپوزیشن کی ایک افطاری سے حکومت کی ٹانگیں کانپتی ہیں:مریم نواز
22 May 2019 (17:21) 2019-05-22

بہاولپور: پاکستان مسلم لیگ (ن) کی نائب صدر مریم نواز نے کہا ہے کہ عمران خان وزیر اعظم نہیں نالائق اعظم ہیں، عمران خان چور دروازے سے حکومت میں آئے ہیں، 22 کروڑ عوام مہنگائی کی چکی میں پس رہی ہے،گزشتہ 10 ماہ میں کوئی ایک بھی اچھی خبر سننے کو نہیں ملی،نالائقوں کی حکومت غریب عوام کے لیے سانحہ سے کم نہیں، لوگ روز صبح اٹھ کر مہنگائی کی خبر سنتے ہیں، میاں بیوی میں لڑائیاں ہورہی ہیں کیونکہ آمدنی کم اور خرچے دگنے ہوگئے ہیں.

مریم نواز کا کہنا تھا کہ اپوزیشن کی ایک افطاری سے ان کی ٹانگیں کانپتی ہیں، غلط کام کرکے آگے آتا ہے اس کی ٹانگیں کانپتی ہیں، نالائق اعظم کہتا تھا کسی کے آگے ہاتھ نہیں پھیلا وں گا، بھیک تو نہیں مانگی پورے ملک کے خزانے کی چابیاں آئی ایم ایف کو دے دیں، ملک میں ہر چیز مہنگی ہے صرف دو چیزیں روپے کی قیمت اور ملکی خودمختاری سستی ہے،ملک میں بجلی، گیس اور اشیائے خوردو نوش مہنگی ہو رہی ہیں، گیس کی قیمتوں میں 140 فیصد اضاہ ہو چکا ہے، مہمند کے بچی فرشتہ کے ساتھ پیش آنے والا معاملہ انتہائی افسوسناک ہے، فرشتہ کے معاملے میں پولیس کا رویہ انتہائی قابل مذمت ہے، ملک کے ساتھ سانحہ کا ذکر کرنا زیادتی ہو گی۔

بدھ کو پاکستان مسلم لیگ (ن) کی نائب صدر مریم نواز بلیغ الرحمان کی بیوی اور بیٹے کی وفات تعزیت کیلئے بہاولپور پہنچی جہاں پرمریم نواز نے کہا بلیغ الرحمان کے ساتھ بڑا سانحہ ہوا، دلی تعزیت کرتی ہوں، بلیغ الرحمان اور ان کے اہلخانہ کو اللہ صبر عطا کرے، قمر زمان کائرہ کے بیٹے کی وفات پر بھی دکھ ہے، بلیغ الرحمان سے فون پر بات کر کے میاں صاحب رنجیدہ ہو گئے، ارباب اختیار سے فرشتہ کی ہلاکت پر نوٹس لینے کا مطالبہ کرتی ہوں، ننھی فرشتہ کیلئے آواز بھی اٹھائیں گے، تھانے نے رپورٹ درج نہیں کی، ارباب اختیار اس کانوٹس لیں اس بچی کےلئے آواز اٹھائیں گے، ایک سانحہ پاکستان کے ساتھ ایسا ہوا جس سے 22کروڑ عوام چکی میں پس گئے ہیں، یہ حکومت نالائقوں کی جب سے آئی ہے یہ غریبوں کےلئے سانحے سے کم نہیں ہے، دس مہینے ہوئے اور اٹھتے ہیں تو بری خبر ملتی ہے، روز بجلی، گیس، پٹرول مہنگے ہورہے ہیں، گیس کی قیمتوں میں 140فیصد اضافہ ہوا ہے، میاں صاحب سے جب بھی ملنے جاتی ہوں میاں صاحب نے نہیں کہا کہ میری رہائی کےلئے آواز اٹھاﺅ بلکہ صرف یہ کہا کہ لوگوں کی مشکلات میں ان کے ساتھ کھڑے ہو، عمران خان نالائق اعظم ہیں ان کو وزیراعظم کہنا اس عہدے کی توہین ہے، یہ وہ چور وزیراعظم ہے جو چوری کر کے چور دروازے سے آیگا، اپوزیشن کی ایک افطاری سے ان کی ٹانگیں کانپنے لگ گئی ہیں،کہتا تھا کسی کے آگے ہاتھ نہیں پھیلاﺅں گا۔

عمران خان نے بھیک نہیں مانگی پورے ملک کے خزانے کی چابیان آئی ایم ایف کے حوالے کر دیں، نواز شریف نے سازشوں کے باوجود ملک کو ترقی کی راہ پر ڈالا، ان کی حکومت گر بھی رہی ہو تو اپنے بندے کھڑے کر کے ان کو گرنے نہیں دینا تا کہ ان کی اصلیت عوام کے سامنے آئے، جب ووٹ کو عزت نہیں ملتی تو ملک کا یہی حال ہوتا ہے، دہشت گردی اور مہنگائی ملک میں واپس آ رہی ہے، عمران خان بیرون ملک دورے کرنے نہیں بھیک مانگنے جاتا ہے، وزارت خزانہ میں آئی ایم ایف خود آ کر بیٹھ گئی ہے، جس دن کوٹ لکھپت جیل کا دروازہ ٹوٹےگا اس دن ملک میں ترقی کے دروازے کھلیں گے۔


ای پیپر