Image Source : Facebook

ورلڈ کپ میں کپتان سرفراز کا متبادل کون ؟اہم نام سامنے آگیا
21 May 2019 (20:24) 2019-05-21

لاہور: اوپنر عابد علی کے ورلڈ کپ سکواڈ سے باہر ہونے کے بعد یہ سوال اٹھایا جا رہا ہے کہ انگلینڈ میں 30مئی سے شروع ہونے والے میگا ایونٹ میں قومی ٹیم کا متبادل وکٹ کیپر کون ہو گا؟۔دائیں ہاتھ کے اوپنر عابد علی وکٹ کیپنگ کرنے کی بھی اہلیت رکھتے ہیں، تاہم اب ان کے ورلڈ کپ سکواڈ سے باہر ہو جانے کے بعد اب یہ اضافی ذمہ داری بابر اعظم کے سر ہے.

24سالہ بابر اعظم ٹیسٹ وکٹ کیپر کامران اکمل ،عدنان اکمل اور عمر اکمل کے رشتے دار بھی ہیں۔قومی ٹیم کے موجودہ کپتان 31سالہ وکٹ کیپر سرفراز احمد 2015ءورلڈکپ میں بطور وکٹ کیپر منتخب ہوئے تھے لیکن کوچ وقار یونس نے ورلڈ کپ کے چار گروپ میچوں میں عمر اکمل سے وکٹ کیپنگ کروائی تھی۔106 ون ڈے میں قومی ٹیم کی نمائندگی کرنے والے سرفراز احمد کا شمار اس وقت دنیا کے بہترین وکٹ کیپر ز میں ہوتا ہے۔

سرفراز نے ون ڈے میچوں میں 99 کیچ اور 23 سٹمپ کر رکھے ہیں۔دوسری جانب پاکستان کرکٹ بورڈ نے فیصلہ کیا ہے کہ ورلڈ کپ سکواڈ سے باہر کئے جانے والے عابد علی برمنگھم میں قیام کریں گے جب کہ 26سال کے ٹیسٹ وکٹ کیپر محمد رضوان کو بھی دوران ورلڈکپ انگلینڈ میں رہیں گے۔


ای پیپر