فوٹو/ اے پی پی

داتا دربار خود کش حملے کا سہولت کار گرفتار، حملہ آور کی شناخت بھی ہو گئی
21 May 2019 (13:15) 2019-05-21

لاہور: داتا دربار خود کش حملے کی تحقیقات میں اہم پیش رفت۔ کاؤنٹر ٹیررازم ڈیپارٹمنٹ نے دہشتگردی کے اس واقعے کے ایک مبینہ سہولت کار کو گرفتار کر لیا ہے۔

گرفتار سہولت کار کا نام محسن خان ہے اور وہ چارسدہ کے علاقے شب قدر کا رہائشی ہے اس کے قبضے سے دھماکا خیز مواد بھی برآمد ہوا ہے۔

دوسری جانب سانحے کے خود کش حملہ آور کی شناخت بھی ہو گئی ہے۔ سی ٹی ڈی کے ذرائع کا کہنا ہے کہ خود کش حملہ آور صادق اللہ مہمند افغانستان کا رہائشی تھا اور افغانی پاسپورٹ پر پاکستان میں داخل ہوا۔

خیال رہے کہ 8 مئی کو داتا دربار کے گیٹ نمبر 2 کے باہر سڑک پر موجود ایلیٹ فورس کی گاڑی کے نزدیک خودکش حملہ کیا گیا تھا جس میں پولیس اہلکاروں سمیت 12 افراد شہید ہو گئے تھے۔


ای پیپر