اداکارہ ارمینا خان ٗ شیخ رشید پر بھڑک اٹھیں
21 جون 2018 (19:02) 2018-06-21

کراچی: پاکستانی اداکارہ ارمینا خان عوامی مسلم لیگ کے سربراہ شیخ رشید احمد پر بھڑک اٹھیں اور کہا ایسے شخص کو ٹی وی پر بلانے کی اجازت کیسے دی گئی۔ اداکارہ ارمینا خان سوشل میڈیا پر بہت زیادہ فعال رہتی ہیں اور اداکاری کے علاوہ ملکی مسائل میں بھی بہت زیادہ دلچسپی لیتی ہیں اور اکثروبیشتر اپنے خیالات کا اظہار کرتی رہتی ہیں۔

تفصیلات کے مطابق شیخ رشید نے ایک نجی نیوز چینل کے پروگرام میں کہا کہ جب میں وزیر اطلاعات ہوتا تھا تو اس وقت فلم انڈسٹری بھی میرے ماتحت تھی ،یقین کریں کہ کنجروں کے بھی کچھ اصول ہوتے ہیں ۔اس بات پر اداکارہ ارمینا خا ن بھڑک اٹھیں اور مائیکرو بلاگنگ ویب سائٹ ٹوئٹر پر کہاکہ ’’کون ہے یہ آدمی؟ اوریہ کیوں فلم انڈسٹری کے خلاف نازیبا گفتگو کررہاہے؟ اس کے علاوہ اسے کس نے اجازت دی اتنی نامناسب زبان ٹیلی ویژن پر استعمال کرنے کی؟

ایک صارف نے ٹوئٹر پر ارمینا خان سے کہا آپ نے صرف ایک لفظ پر غور کیا ہے یہ سیاستدان اسی طرح کی باتیں کرتے ہیں جس پر ارمینا خان نے جواب دیتے ہوئے کہاکہ تصور کریں، اس طرح کے لوگ ہمارے لیڈرز ہیں۔ایک اور ٹوئٹ میں ارمینا خان نے کہاکہ انہیں اس آدمی( شیخ رشید ) کی وجہ سے بہت شرمندگی ہورہی ہے۔ کیسے آپ اپنے وسیع اثرات کی بنا پر کسی کے بارے میں اس طرح کے بیانات دے سکتے ہیں۔ میری ہڈیوں میں سرد لہر دوڑ گئی یہ سب سن کر، کیا یہ سیاستدان تعلیم یافتہ ہیں؟ ان کا پس منظر کیا ہے اور یہ کہاں سے تعلق رکھتے ہیں؟ برطانیہ میں اس شخص کو کسی بھی عوامی دفاتر کے قریب بھٹکنے کی بھی اجازت نہیں ہوتی۔


ای پیپر