فوٹو بشکریہ سوشل میڈیا

نواز شریف کے خوف نے فیصل آباد کو کنٹینر آباد میں بدل دیا: مریم نواز
21 جولائی 2019 (15:08) 2019-07-21

لاہور: مریم نواز نے کہا ہے کہ اقتدار سے پہلے بھی کنٹینر ، بعد میں بھی کنٹینر ، شیر کا خوف گیدڑوں کی جان لے کے رہے گا۔

اقتدار سے پہلے بھی کنٹینر ، بعد میں بھی کنٹینر مریم نواز نے ٹوئیٹر پر حکومتی اقدامات پر طنز کرتے ہوئے لکھا کہ نواز شریف کے خوف نے فیصل آباد کو کنٹینر آباد میں بدل دیا۔

واضح رہے کہ تبدیلی سرکار نے مریم نواز کو آج فیصل آباد آمد کے موقع پر کسی جلسے یا ریلی سے خطاب کرنے سے روک دیا ہے، وہ صرف رانا ثناء للہ کے اہل خا نہ سے اظہار یکجہتی کر سکیں گی۔

ذرائع کے مطابق انتظامیہ نے موٹر وے کمال پور انٹر چینج سے رانا ثناء للہ کے گھر تک لگائے گئے استقبالیہ کیمپوں پر پولیس کی بھاری نفری تعنیات کرنے کا بھی فیصلہ کر لیا۔

استقبالیہ کیمپ اکھاڑے جانے کا بھی قوی امکان ہے۔ ذرائع کے مطابق روپوش ہونے والے لیگی کارکنوں اور رہنماؤں کو حراست میں لینے کے لیے تھانہ کی سطح پر پولیس ٹیمیں تشکیل دے دی گئی۔


ای پیپر