کیپٹن (ر) صفدر بھی ناسازی طبیعت کے باعث ہسپتال منتقل
21 اگست 2018 (18:36) 2018-08-21

راولپنڈی:سابق وزیراعظم نواز شریف کے داماد کیپٹن ( ر ) صفدر کو اچانک طبیعت خرابی پر اڈیالہ جیل سے راولپنڈی انسٹیٹیوٹ آف کارڈیالوجی منتقل کردیا گیا۔


تفصیلات کے مطابق کیپٹن ( ر ) صفدر کی اڈیالہ جیل میں طبیعت خراب ہوگئی تھی جس پر انہیں جیل کے اسپتال میں ہی طبی امداد دی گئی تھی۔ کیپٹن ریٹائرڈ صفدر کی اچانک طبیعت خراب ہونے پر راولپنڈی انسٹیٹیوٹ آف کارڈیالوجی منتقل کیا گیا ہے جہاں ان کے مختلف ٹیسٹ کیے جارہے ہیں جس کی رپورٹس آنے کے بعد ہی انہیں دوبارہ جیل منتقلی کا فیصلہ کیا جائے گا۔ نواز شریف کے داماد کو دل کی تکلیف کے باعث ا? ر ا?ئی سی اسپتال منتقل کیا گیا جہاں جیل اسپتال کی سفارش پر ان کے ٹیسٹ کیے گئے۔


خیال رہے کہ کیپٹن صفدر ایون فیلڈ ریفرنس میں اڈیالہ جیل میں ایک سال کی سزا کاٹ رہے ہیں۔چند روز قبل بھی کیپٹن صفدر کو گردے کی تکلیف کے باعث پمز اسپتال منتقل کیا گیا تھا۔دوسری ترجمان انسٹی ٹیوٹ آف کارڈیالوجی کے مطابق ایفی ڈرین کوٹہ کیس میں سزا پانے والے حنیف عباسی کی بھی انجیو پلاسٹی مکمل کرلی گئی ہے۔ترجمان آ ر آئی سی عمر قریش کا کہنا ہیکہ حنیف عباسی کو کچھ عرصہ آرام کا کہا گیا ہے۔


ای پیپر