فیس بک پر ہیکرز کا خطرناک حملہ
20 نومبر 2018 (20:20) 2018-11-20

لاہور :سوشل میڈیا کا سب سے بڑا ذریعہ فیس بک اس وقت ہیکرز کی زد میں ہے ، فیس بک ویب سائٹ اس وقت مکمل طور پر صارفین کے استعمال میں نہیں ۔

ذرائع کے مطابق فیس بک کا سسٹم اچانک ہی کریش کر گیا جس کے باعث پاکستان سمیت دنیا بھر میں صارفین مکمل طور سے ویب سائٹ تک رسائی نہیں کرپا رہے،غیر ملکی خبررساں ادارے کی رپورٹ کے مطابق فیس بک کا سسٹم اس لیے کریش کرگیا ہے کیونکہ انسٹاگرام اور فیس بک دونوں کو ایک ہی وقت میں ہیکرز کی جانب سے نشانہ بنایا گیا ہے اور اسی وجہ سے پاکستان، بھارت ،آسٹریلیا، امریکہ، برطانیہ سمیت کئی ممالک میں صارفین فیس بک کی سروس حاصل نہیں کرپارہے۔

اس وقت صورتحال یہ ہے کہ صارفین کے سامنے فیس بک کا پیچ تو کھل جاتا ہے لیکن اس پر مزید کوئی سرگرمی نہیں ہوپاتی، تمام صارفین، خاص کر سوشل میڈیا پر چینلز اور پیچز چلانے والے صارفین کو سب سے زیادہ مشکلات کا سامنا کرنا پڑ رہا ہے۔

امریکی نشریاتی ادارے کی رپورٹ میں دعویٰ کیا گیا ہے کہ ہیکرز نے گزشتہ روز بھی فیس بک تک رسائی حاصل کرنے کی کوشش کی تھی جس سے اس کی سروس متاثر ہوئی تھی۔


ای پیپر