قصور میں ننھی زینب کے بعد لاہور کی عائشہ بھی درندگی کی بھینٹ چڑھ گئی
کیپشن:   فوٹو بشکریہ فیس بک
20 دسمبر 2018 (11:23) 2018-12-20

لاہور میں ایک اور ماں کی گود اجڑ گئی۔ اندرون لوہاری گیٹ میں درندوں نے نو سالہ عائشہ کو بھی زیادتی کے بعد بے دردی سے قتل کر ڈالا۔

پولیس نے بچی کے ماموں سمیت 2 افراد کو گرفتار کرلیا۔ بچی کے والد محمد طارق کی مدعیت میں نامعلوم افراد کے خلاف مقدمہ درج کرلیا۔ ابتدائی پوسٹ مارٹم رپورٹ میں بچی سے زیادتی ثابت ہوئی۔

پولیس نے بتایا کہ مقتولہ کی والدہ اور والد میں گھریلو ناچاکی کے باعث کچھ عرصہ قبل ہی طلاق ہوئی تھی، والدہ بیٹی کے ساتھ بھائیوں کے گھر رہائش پذیر تھی۔ پولیس نے بچی کے 24 سالہ ماموں سمیت دو افراد کو حراست میں لے کر پوچھ گچھ شروع کردی۔

وزیر اعلیٰ پنجاب عثمان بزادر نے دلخراش واقعے کا نوٹس لیتے ہوئے آئی جی سے رپورٹ طلب کرلی۔


ای پیپر