وزیراعظم بنی گالہ سے ملٹری سیکرٹری ہاؤس منتقل ہو گئے
کیپشن:   فوٹوبشکریہ فیس بک
20 اگست 2018 (14:26) 2018-08-20

اسلام آباد: وزیراعظم عمران خان اپنی سرکاری رہائش گاہ ملٹری سیکرٹری ہاؤس منتقل ہو گئے۔

وزیراعظم عمران خان نے وزارت عظمیٰ کا حلف اٹھانے کے بعد وزیراعظم ہاؤس میں نہ رہنے کا اعلان کیا تھا جس کے لیے پہلے وزیراعلیٰ پنجاب کی اینکسی کا انتخاب کیا گیا تھا تاہم سیکیورٹی وجوہات کی بناء پر رہائش گاہ کو تبدیل کر کے ملٹری سیکرٹری ہاؤس کا انتخاب کیا گیا۔

ذرائع کے مطابق وزیراعظم عمران خان اپنی ذاتی رہائش گاہ بنی گالہ سے سرکاری رہائش گاہ ملٹری سیکرٹری ہاؤس منتقل ہو گئے۔

ملٹری سیکرٹری ہاؤس وزیراعظم ہاؤس سے متصل کالونی ہے جس کے مکان نمبر ایک میں وزیراعظم عمران خان رہائش اختیار کر رہے ہیں۔ ذرائع کے مطابق وزیراعظم عمران خان اپنی اہلیہ کے ساتھ صرف اتوار کا روز بنی گالہ میں گزارا کریں گے۔


ای پیپر