آسٹریلوی کھلاڑی بھی پاکستانی باﺅلر ز کے مداح نکلے
19 نومبر 2019 (16:10) 2019-11-19

برسبین :آسٹریلیا کے خلاف پاکستان کی بولنگ کو آسٹریلوی کھلاڑیوں نے سراہا ہے، جبکہ آسٹریلیا کے فاسٹ بولر پیٹ کمنز نے بھی نسیم شاہ کی تعریفوں کے پل باندھ دیئے ۔

میڈیا رپورٹ کے مطابق پیٹ کمنز نے کہا کہ 16 سال کی عمر میں ٹیسٹ ڈیبیو کرنا حیران کن ہے، انہوں نے خود 18 سال کی عمر میں پہلا انٹرنیشنل ٹیسٹ میچ کھیلا تھا۔ آسٹریلوی فاسٹ بولر پیٹ کمنز کا کہنا ہے کہ نسیم شاہ تیز بولنگ کرتے ہیں اور وہ پرجوش کھلاڑی بھی ہیں۔دوسری جانب مایہ ناز آسٹریلوی بیٹسمین اسٹیو اسمتھ بھی پاکستان کے بولنگ اٹیک سے کافی متاثر نظر آرہے ہیں، ان کا کہنا ہے کہ وہ پاکستان کے بولرز کا سامنا کرنے کی تیاری کر رہے ہیں۔

واضح رہے کہ فاسٹ بولر نسیم شاہ کی عمر 16 سال ہے اور انہوں نے آسٹریلیا کے خلاف پریکٹس میچز میں عمدہ کارکردگی کا مظاہرہ کیا ۔پاکستان اور آسٹریلیا کے درمیان پہلا ٹیسٹ میچ جمعرات سے برسبین میں شروع ہو گا۔اس سے قبل آسٹریلیا نے تین ٹی20 میچوں کی سیریز میں پاکستان کو دو صفر سے شکست دی تھی جب کہ ایک میچ بارش کے باعث مکمل نہیں ہو سکا تھا۔


ای پیپر