آل رائونڈ جے پی ڈومنی اجازت نہ ملنے کے باوجود پی ایس ایل کھیلیں گے
19 مارچ 2018 (19:27)


دبئی :پاکستان سپر لیگ میں اسلام آباد یونائیٹڈ کے آل رانڈر جے پی ڈومنی نے کرکٹ جنوبی افریقا کی جانب سے اجازت نہ ملنے کے باوجود اپنی ذمہ داری پر پاکستان آنے کا فیصلہ کیا ہے۔


تفصیلات کے مطابق جنوبی افریقی کرکٹ بورڈ کی جانب سے ڈومنی کو پاکستان جانے کی اجازت نہیں دی گئی ہے تاہم اسلام آباد یونائیٹڈ کے آل راونڈر نے اپنی ذمہ داری پر پاکستان جانے کا فیصلہ کیا ہے اور اس حوالے سے ڈومنی نے جنوبی افریقی بورڈ کو تحریری طور پر آگاہ بھی کر دیا ہے کہ کسی نقصان کی صورت میں وہ خود ذمہ دار ہوں گے ۔پشاور زلمی کے تمام کھلاڑی غیر ملکی پاکستان آنے پر راضی ہیں جبکہ اسلام آباد کے لیوک رونکی، سمت پٹیل اور ڈومنی پاکستان آنے کے لیے راضی ہو چکے ہیں جبکہ سیم بلنگز اور ایلکسز ہیلز نے پاکستان آنے سے معذرت کر لی ہے۔


اس کے علاوہ کراچی کنگز کے بھی 6 میں سے 5 غیر ملکی کھلاڑی پاکستان آ رہے ہیں، ان کھلاڑیوں میں روی بوپارا، کولن انگرام، لینڈل سمنز اور جوائے ڈنلے شامل ہیں جبکہ ایون مورگن نے پاکستان آنے سے معذرت کر لی ہے۔کوئٹہ گلیڈی ایٹرز کے کیون پیٹرسن اور جیسن رائے پاکستان آنے سے معذرت کر چکے ہیں تاہم تھسارا پریرا، محمود اللہ اور ٹام کوہلر کیڈ مور اور جانسن چارلز پاکستان آنے کے لیے راضی ہیں اور رلی روسیو بھی کوئٹہ گلیڈی ایٹرز کے فینز کو اچھی خبر کی نوید سنا چکے ہیں۔


ای پیپر