Source : Yahoo

پیپلزپارٹی کے رہنما نثار کھوڑ و نا اہل قرار
19 جولائی 2018 (16:28) 2018-07-19

لاڑکانہ:الیکشن 2018 میں گزشتہ انتخابات کی نسبت متعدد کارکنوں کو کڑے احتساب کا سامنا کرنا پڑا جس میں متعدد ارکین کو اپنے اثاثے چھپانے کی وجہ سے نا اہل قرار دیا جا تا رہا ہے ۔

اسی سلسلے کی ایک کڑی میں سندھ ہائیکورٹ نے پیپلزپارٹی کے رہنما نثار کھوڑو کو نااہل قراردے دیا ہے۔اطلاعات کے مطابق سندھ ہائی کورٹ لاڑکانہ سرکٹ بنچ نے پیپلزپارٹی کے رہنما نثارکھوڑو کی نااہلی سے متعلق درخواست کی سماعت کی۔

بنچ نے ایپلیٹ ٹربیونل کے فیصلے کو برقرار رکھتے ہوئے نثارکھوڑو کونااہل قرار دے دیا۔ نثار کھوڑو کو بیوی اور بیٹی کے نام ظاہر نہ کرنے اور167 ایکڑ زرعی زمین چھپانے پرایپلیٹ ٹربیونل نے نا اہل قراردیا تھا۔

واضح رہے کہ پی ایس 11 کے امیدوار نثارکھوڑو نے ایپلٹ ٹربیونل کے فیصلے کوسندھ ہائیکورٹ لاڑکانہ سرکٹ بنچ میں چیلنج کیا تھا۔


ای پیپر