فوٹو بشکریہ فیس بک

اعلیٰ حکومتی شخصیات پر لگنے والے الزامات پر وزیراعظم ناراض
18 ستمبر 2019 (11:08) 2019-09-18

اسلام آباد: وزیراعظم اعلیٰ حکومتی شخصیات پر لگنے والے الزامات پر ناراض ہوگئے اور کابینہ ارکان نے حکومتی اعلیٰ شخصیات پر مختلف الزامات لگائے جانے پر گہری تشویش کا اظہار کیا ہے۔

وفاقی کابینہ کے اجلاس میں ارکان نے کہا کہ وزیراعظم اور وزراء کی نجی زندگیوں کو بے بنیاد پراپیگنڈہ کا نشانہ بنایا جا رہا ہے۔ وزیر اعظم نے کہا کہ بعض عناصر کی جانب سے آزادی اظہار کو ذاتی مقاصد کی تکمیل کیلئے استعمال کیا جا رہا ہے، اس کا مقصد حکومت اور عوام کے درمیان قائم اعتماد کو ہدف بنانا ہے، جان بوجھ کر مذموم مقاصد کی تکمیل کیلئے گمراہ کن معلومات پھیلائی جا رہی ہیں۔

وزیراعظم نے کہا کہ بدقسمتی سے ان مقاصد کی تکمیل کیلئے میڈیا کو آلہ کار بنایا جا رہا ہے، ایسی اصلاحات لائی جائیں کہ میڈیا مفاد پرست عناصر کے ہاتھوں آلہ کار نہ بن سکے۔ وزیراعظم نے پیمرا کی کارکردگی پر بھی مایوسی کا اظہار کرتے ہوئے کہا کہ پیمرا اپنا کردار موثر طریقے سے ادا نہیں کر پا رہا۔


ای پیپر