Muhammad Aamir announces to quit international cricket
17 دسمبر 2020 (13:08) 2020-12-17

لاہور:پاکستان کرکٹ ٹیم کے فاسٹ باﺅلر محمد عامر نے انٹرنیشنل کرکٹ چھوڑنے کا اعلان کردیا۔

تفصیلات کے مطابق گزشتہ دنوں سے قومی ٹیم کے باﺅلنگ کوچ وقار یونس کے ساتھ لفظی جنگ کے بعد محمد عامر نے کرکٹ چھوڑنے کا اعلان کرتے ہوئے کہا ہے کہ پلاننگ کے تحت سائیڈ لائن کیا گیا،پرفارمنس کے باوجود تنقید کی جاتی ہے ۔

فاسٹ باﺅلر نے مزید کہا کہ پی سی بی کی موجودہ مینجمنٹ کیساتھ کرکٹ نہیں کھیل سکتا جبکہ اگلے 2 دن میں سارا کچا چٹھا کھولنے کا عندیہ بھی دے دیا ۔

واضح رہے کہ پاکستان اور نیوزی کے درمیان پہلا ٹی 20میچ کل کھیلاجائےگا، 15رکنی قومی سکواڈ کا اعلا ن کردیا گیا ہے جس کے مطابق شاداب خان کپتان مقرر، سرفراز احمد کی بھی ٹیم میں واپسی ہوئی اور ایڈن پارک میں کھلاڑیوں نے آخری ٹریننگ سیشن میں بھرپورحصہ لیا۔

یاد رہے کہ اس سے قبل اپنے ایک ویڈیو پیغام میں محمد عامر کا کہناتھاکہ پی ایس ایل سے پہلے مجھے ذاتی طور پر دھچکا لگا کہ فائنل سے ایک دو دن پہلے ٹیم کا اعلان کردیا گیا ۔ ہیڈ کوچ مصباح الحق صاحب ہی بتا سکتے ہیں کہ انہوں نے ٹیم کا اعلان پی ایس ایل مکمل ہونے سے پہلے کیوں کیا ۔ 

میں نے ٹویٹر پر مصباح صاحب اس لیے لکھا کہ وہ بڑے لوگ ہیں جن کے پاس طاقت ہوتی ہے وہ صاحب ہی ہوتے ہیں ۔ وقاریونس کا رویہ بہت برداشت کیا ، اب بات برداشت سے باہر ہوچکی ہے ۔

برداشت کرنے کی حد ہوتی ہے ، وقار یونس جب سسٹم میں نہیں تھے  تب کی ریٹائرمنٹ دی تھی ، محمد عامر کا کہناتھاکہ ورلڈکپ سے پہلے مینجمنٹ کو بتایا تھا کہ ورک لوڈ برداشت نہیں کرسکتا ۔ 


ای پیپر