Pervez Khattak, Defence Minister, Pakistan, controversial statement, PM Imran Khan
17 اپریل 2021 (22:53) 2021-04-17

 اسلام آباد: تین اراکین کے مستعفی ہونے کے بعد خیبر پختونخوا کابینہ میں دو نئے مشیروں اور ایک معاون خصوصی کی تقرری متوقع ہے۔

نجی ٹی وی کی رپورٹ کے مطابق وزیر دفاع  پرویز خٹک کے بیٹے ابراہیم خٹک کو صوبائی کابینہ میں شامل کیے جانے کا امکان ہے۔

ذرائع کے مطابق سپیکر قومی اسمبلی اسد قیصر کے بھائی عاقب اللہ بھی کابینہ کا حصہ ہوں گے۔ بیرسٹر محمد علی سیف کی بھی بطور مشیر تقرری کا امکان ہے۔

اس سے قبل خیبر پختونخوا حکومت نے مشیرسائنس وٹیکنالوجی ضیا اللہ بنگش نے اپنے عہدے سے استعفیٰ دے دیا تھا۔ معاون خصوصی ایکسائز غزن جمال نے بھی استعفیٰ وزیراعلیٰ کو بھجوادیا تھا۔

یا د رہے مشیرتوانائی حمایت اللہ خان بھی اپنےعہدے سے مستعفی ہوگئے تھے حمایت اللہ نے اپنا استعفیٰ وزیراعلیٰ محمود خان کو بھجوایا تھا۔ مستعفی ہونے والے کابینہ ارکان کی تعداد 3 ہوگئی ہے۔

خیبر پختونخوا حکومت نے ضیااللہ بنگش،غازی غزن جمال اور حمایت اللہ خان کے استعفے منظور کرلیے ہیں۔


ای پیپر