مسلمانوں کو لائن میں کھڑا کر کے گولی مار دو
17 اپریل 2020 (12:41) 2020-04-17

ممبئی :دنیا بھر میں اپنی شاندار اداکاری سے دھوم مچانے والی کنگنا رناوت کی بہن کے اکائونٹ کو ٹویٹر نے معطل کر دیا ہے اور ان پر یہ الزام لگایا گیا ہے کہ وہ سوشل میڈیا پر مذہبی منافرت اور تشدد کو ہوا دینے کی کوشش کر رہی تھیں۔

                                                                                                

تفصیلات کے مطابق رنگولی جانڈیل نے اپنی ایک ٹویٹ میں لکھا تھا کہ ’’ایک جماعتی کورونا سے ہلاک ہو گیا ۔ جب پولیس اور ڈاکٹر ان کے خاندان میں کورونا کی موجودگی کا جائزہ لینے گئے تو ان پر حملہ ہوا اور انہیں مار دیا گیا۔ مسلمانوں اور زر خرید لبرل میڈیا کو ایک لائن میں کھڑا کر کے گولی مار دینی چاہیے۔ایسا کرنے پر تاریخ ہمیں ’’نازی ‘‘ کہے گی لیکن کسے پرواہ ہے۔زندگی جھوٹی تصویریوں سے زیادہ اہم ہے ‘‘۔

                                                                                               

کنگنا رناوت کی بہن سوشل میڈیا پر اکثر اپنے خیالات کا اظہار کرتی رہتی ہیں اور کوئی ایسا واقعہ نہیں ہوا جس پر وہ ٹویٹ نہ کریں لیکن اس بار انہوں نے مذہبی نفرت پر مبنی جو ٹویٹ کی اس پر ٹویٹر کو بھی ایکشن لینا پڑ گیا ۔ ٹویٹر نے فوری طور پر رنگولی کا اکائونٹ بلاک کر دیا ہے لیکن افسوس کا مقام ہے کہ مسلمانوں کیخلاف اس نفرت انگیز جذبات کو بھارتی سپر سٹار نے پسند بھی کیا ہے جن میں ڈایزائنر فرح خان علی ٗ سیکریڈ گیمز سٹار کببرا سیت اور فلمساز ریما کاگٹی بھی شامل ہیں۔


ای پیپر