بھارت کا یوم آزادی پاکستان اور کشمیر میں یوم سیاہ کے طور پر منایا جا رہا ہے
15 اگست 2019 (11:31) 2019-08-15

اسلام آباد: مقبوضہ جموں و کشمیر میں بھارتی بربریت کے خلاف آج پاکستان اور کشمیر میں بھارت کا یوم آزادی یوم سیاہ کے طور پر منایا جا رہا ہے۔

تفصیلات کے مطابق یوم سیاہ کی مناسبت سے وفاقی دارالحکومت اسلام آباد اور صوبوں میں ریلیاں نکالی جائیں گی جبکہ سرکاری عمارتوں پر قومی پرچم بھی سرنگوں رہے گا۔

پاک فوج کے شعبہ تعلقات عامہ آئی ایس پی آر اور وزارت خارجہ کے ٹوئٹر اکاؤنٹ کی ڈسپلے تصویر سیاہ کر دی گئی ہیں۔ دنیا بھر میں آج پاکستانی کشمیر پر بھارتی فوج کے قبضے کے خلاف آواز اٹھائیں گے اور بھارتی سفارت خانوں اور ہائی کمشنز کے سامنے احتجاج کریں گے۔

ادھر آل پارٹیز حریت کانفرنس نے اسلام آباد میں بھارتی ہائی کمیشن کے سامنے مظاہرے کی کال دی ہوئی ہے۔

قومی سلامتی کمیٹی نے بھارت کے یوم آزادی کے موقع پر یوم سیاہ منانے کا فیصلہ کیا تھا۔ صوبائی حکومتیں بھی مقبوضہ کشمیر میں بھارتی قبضے کے خلاف یوم سیاہ منائیں گی۔


ای پیپر