ڈاکٹر مبشر حسن 98 برس کی عمر میں انتقال کرگئے
14 مارچ 2020 (14:04) 2020-03-14

لاہور: پیپلز پارٹی کے بانی رہنما ڈاکٹر مبشر حسن 98 برس کی عمر میں انتقال کرگئے ۔

                                                                                                                                      

تفصیلات کے مطابق پیپلز پارٹی کے بانی رہنما ڈاکٹر مبشر حسن انتقال کر گئے ۔ ڈاکٹر مبشر حسن ممتاز دانشور ،سائنس دان، سول انجیئنر، استاد، سیاست دان، محقق، مبصر، صحافی، تجزیہ نگار تھے۔ ان کا شمار سابق وزیراعظم ذوالفقار بھٹو کے قریبی اور معتمد ساتھیوں میں ہوتا ہے ۔ 1967 میں ڈاکٹر مبشر حسن کے گھرمیں ہی پیپلز پارٹی کی بنیاد رکھی گئی۔ ذوالفقار بھٹوکے دورحکومت میں وہ وفاقی وزیرِ خزانہ اور مشیر برائے سائنس و ٹیکنالوجی بھی رہے۔

ڈاکٹر مبشر حسن نے بحیثیت سیاست دان عملی طور پرسیاسی امور میں شرکت سے ریٹائر منٹ اختیار کر لی تاہم تشکیلِ معاشرہ کے لیے اپنا قلمی جہاد جاری رکھا اور بہت سے آرٹیکلز اپنے شعبہ انجینئری کے لیے رقم کیے۔ انہوں نے ملک کے معاشی مسائل سے متعلق کئی کتابیں بھی لکھیں۔


ای پیپر