کراچی سے پہلی سرکاری فلائٹ حاجیوں کو لیکر سعودی عرب روانہ
14 جولائی 2018 (16:59) 2018-07-14

کراچی :قومی ایئر لائن نے اسلام آباد اور کراچی سے حج آپریشن کا باقاعدہ آغاز کر دیا ہے۔جناح انٹرنیشنل ایئرپورٹ کراچی سے پہلی سرکاری فلائٹ پی کے 7001 مدینہ منورہ کے لیے 300 سے زائد حاجیوں کو لے کر روانہ ہوئی۔

تفصیلات کے مطابق پی آئی اے کی دوسری پرواز اسلام آباد سے روانہ ہوئی، جس میں 327 عازمین حج کو مدینہ روانہ کیا گیا۔پرواز سے قبل عازمین کو مناسک حج اور سعودی قوانین سے متعلق بریفنگ دی گئی۔ڈپٹی ہیڈ آف مشن حبیب اللہ بخاری کا کہنا تھا کہ سعودی حکومت نے عازمین حج کیلئے بہترین اقدامات کیے ہیں اور کوشش ہے کہ انہیں بہترین سہولیات فراہم کی جائیں۔

میڈیا سے بات کرتے ہوئے عازمین حج کا کہنا تھا کہ قرعہ اندازی سے لے کر ایئرپورٹ تک حکومت کے انتظامات بہت اچھے ہیں اور تمام معلومات بذریعہ میسج ان تک پہنچائی جارہی تھیں۔حاجی کیمپ میں بھی عازمین نے انتظامیہ کے روئیے کی تعریف کی۔عازمین کا کہنا تھا کہ انہیں یقین ہے کہ مدینہ منورہ میں بھی پاکستانی سفارتخانہ ان کی مکمل رہنمائی اور مدد کرے گا۔روانگی سے قبل عازمین نے اپنی عبادات کی قبولیت کے ساتھ ساتھ ملک وقوم کی ترقی اور پاکستان میں امن کے لیے اجتماعی دعا بھی کی


ای پیپر