Image Source : Twitter

انوشکا کی ایسی کونسی تصویر کوہلی نے شیئر کی جو مہنگی پڑ گئی
14 جنوری 2019 (19:07) 2019-01-14

ممبئی :پاکستان کی طرح بھارت میں کرکٹ جنون سر چڑھ کر ہی ہمیشہ بولتا ہے ،ایسا ہی کچھ دیکھنے میں اس وقت آیا جب بھارت نے پہلی دفعہ آسٹریلیا کو اس کی سرزمین پر ٹیسٹ میں شکست سے دوچار کیا ،اس کے بعد پہلے ون ڈے میں شکست بھارتیوں کو ہضم نہ ہوئی اور کوہلی کی اپنی اہلیہ کیساتھ ٹوئٹر پر شیئر کی جانیوالی تصویر پر ہی اپنا غصہ نکال دیا ۔

آسٹریلیا کے خلاف پہلے ون ڈے میچ میں شکست کے بعد تو مداح چاہتے ہیں کہ کوہلی اپنی توجہ صرف اور صرف کرکٹ کے میدان تک ہی رکھیں، یہی وجہ ہے کہ جب ویرات کوہلی نے اپنی اہلیہ انوشکا شرما کے ساتھ ایک تصویر شیئر کی تو لوگوں نے اس پر تبصرے کرتے ہوئے اگلا میچ ہر صورت جیتنے کا مطالبہ کر ڈالا

واضح رہے کہ 12 جنوری کو کھیلے گئے پہلے ون ڈے میچ میں آسٹریلیا نے بھارت کو 34 رنز سے شکست دے دی تھی۔

اگلے ہی روز ویرات نے انوشکا کے ساتھ اپنی ایک تصویر شیئر کی، جس میں دونوں ایک خوبصورت مقام پر ہنستے مسکراتے نظر آئے، تاہم شائقین کرکٹ کو دونوں کی یہ مسکراہٹ ایک آنکھ نہ بھائی اور انہوں کوہلی سے مطالبہ کیا کہ وہ پریکٹس پر دھیان دیں اور ایڈیلیڈ گرانڈ میں ہونے والا اگلا ون ڈے میچ ضرور جیتیں۔ایک صارف نے طنز کرتے ہوئے لکھا، 'دوسرے ون ڈے انٹرنیشنل کے لیے اچھی تیاری ہو رہی ہے۔کسی نے مشورہ دیا، 'بھائی سب چھوڑو، سیریز جیت کے آنا۔

ایک مداح نے درخواست کی، 'بھائی براہ مہربانی دوسرے ون ڈے میں اچھا کھیلنا، پرتھ میں اپنی سینچری کے بعد سے آپ اچھا نہیں کھیل رہے، یہ وہ ویرات کوہلی نہیں ہے، جسے ہم جانتے تھے۔کرشنا کمار نامی صارف نے تصویر پر اعتراض کرتے ہوئے کہا کہ 'آپ اگلے ون ڈے میچ کے لیے پریکٹس نہیں کر رہے۔تو کسی نے منت بھرے انداز میں کہا، 'بھائی اگلے میچ میں ایک میچ وننگ سینچری چاہیے۔

واضح رہے کہ آسٹریلیا کے خلاف پہلے ون ڈے میچ میں کوہلی نے صرف 3 رنز بنائے تھے اور ان کی خراب فارم پر مداح کافی مایوس نظر آتے ہیں۔بھارت اور آسٹریلیا کے درمیان دوسرا ون ڈے میچ منگل 15 جنوری کو ایڈیلیڈ کرکٹ گرانڈ میں جبکہ تیسرا اور فائنل ون ڈے جمعے کو میلبورن کرکٹ گرانڈ میں کھیلا جائے گا۔


ای پیپر