مسئلہ کشمیر براہ راست عالمی عدالت انصاف نہیں جا سکتا
13 ستمبر 2019 (15:25) 2019-09-13

اسلام آباد: مسئلہ کشمیر براہ راست عالمی عدالت انصاف نہیں جا سکتا ، معاملے کو اقوام متحدہ سلامتی کونسل اور جنرل اسمبلی میں اٹھایا جائے۔ وزارت قانون نے وزیر اعظم کو سفارشات بھجوا دیں۔

وزارت قانون نے تفصیلی غور اور مشاورت کے بعد اپنی رائے بھجواتے ہوئے کہا کہ پاکستان اور بھارت کے مابین اس معاملے پر کوئی معاہدہ نہیں، البتہ سلامتی کونسل یا جنرل اسمبلی ایڈوائزری رائے کیلئے معاملہ عالمی عدالت انصاف بھجوا سکتے ہیں۔

یاد رہے کہ بھارت کے 5 اگست کے غیر قانونی اقدام کے بعد حکومت نے مسئلہ کشمیر عالمی عدالت انصاف لے جانے کا عندیہ دیا تھا۔ اس حوالے سے وزارت قانون سے رائے مانگی گئی۔


ای پیپر