پاکستان میں ہالینڈ کا سفارتخانہ بند ہونے کی خبریں بے بنیاد نکلیں
13 نومبر 2018 (12:50) 2018-11-13

اسلام آباد: پاکستان میں ہالینڈ کا سفارتخانہ بند ہونے کی ساری خبریں جھوٹی نکلیں ۔ حکومت کی طرف سے کوئی ایسا اقدام نہیں کیا گیا بلکہ سفارتخانہ چند دن کیلئے تعمیراتی وجہ سے بند کیا گیا تھا۔

تفصیلات کے مطابق پاکستان میں ہالینڈ کے سفارتخانے سے ویزوں کا اجرا دوبارہ شروع کردیا گیا۔اسلام آباد کے ڈپلومیٹک انکلیو میں واقع ہالینڈ کے سفارتخانے کو سیکیورٹی خدشات پر بند کئے جانے کی اطلاعات سامنے آئی تھیں جس کی سفارتخانے نے تردید کی ۔

ڈچ سفارتخانے کی جانب سے جاری بیان میں کہا گیا کہ سفارتخانہ گزشتہ ہفتے تعمیراتی کام کے سبب 2 دن کیلئے بند کیا گیا تھا جو اب کھلا ہوا ہے، صرف ویزا جاری کرنے کا عمل عارضی طور پر روکا گیا تھا۔ پاکستان میں ہالینڈ کے سفارتخانے سے ویزوں کا اجرا دوبارہ شروع کردیا گیا ۔ سفارت خانے سے قونصلر سروسز بھی دوبارہ شروع کردی گئی۔


ای پیپر