اپوزیشن جماعتوں کا کورونا بارے رویہ افسوسناک ہے: عثمان بزدار
13 جون 2020 (15:10) 2020-06-13

لاہور:وزیر اعلی پنجاب سردار عثمان بزدار نے کہا ہے کہ اپوزیشن جماعتوں کا کورونا جیسی وبا پر رویہ قابل مذمت اور قابل افسوس ہے، اہم ترین قومی مسئلے پر بھی اپوزیشن رہنماؤں نے پوائنٹ سکورنگ سے گریز نہیں کیا۔

سردار عثمان بزدار نے اپنے بیان میں کہا کہ قوم جانتی ہے کہ اپوزیشن رہنماؤں نے خالی نعرے لگا کر کورونا کے خلاف مہم چلائی،22 کروڑ عوام اپوزیشن جماعتوں کی منفی سیاست سے متنفر ہوچکے ہیں، کورونا وباء میں متاثرہ لوگو ں کو تنہا چھوڑ کر اپوزیشن جماعتیں سیاست چمکانے میں مصروف رہیں۔ اپوزیشن کے پاس کورونا کا نہیں بلکہ اپنی کرپشن کے تحفظ کا ایجنڈا ہے۔

وزیراعلیٰ پنجاب کا کہنا تھا  مشکل وقت میں دکھی انسانیت کو اکیلا چھوڑ نے والے اپوزیشن رہنماؤں کو قوم کبھی معاف نہیں کرے گی، وزیراعظم کی قیادت میں حکومت نے ہر فیصلہ مشاورت سے کیا، عمران خان کی قیادت میں حکومت متاثرہ بہن بھائیوں کے ساتھ کھڑی ہے اور کھڑی رہے گی۔


ای پیپر