فوٹو بشکریہ فیس بک

ن لیگ کو ایسے مواقع ملے کہ نواز شریف سزا سے بچ سکتے تھے: خواجہ آصف
13 جنوری 2019 (11:21) 2019-01-13

اسلام آباد: پاکستان مسلم لیگ ن کے رہنما خواجہ آصف نے کہا ہے کہ حکومت نہیں گرائیں گے، چاہتے ہیں حکومت لانے والے شوق پورا کر لیں۔

پروگرام لائیو ود نصراللہ ملک میں گفتگو کے دوران سابق وفاقی وزیر کا کہنا تھا کہ ہماری حکومت نے آئی ایم ایف کے سارے قرضے ادا کر دیئے تھے، فرخ سلیم نے جب سچ بولنا شروع کیا تو انہیں حکومتی ترجمانی سے ہٹا دیا گیا۔

لیگی رہنما کے مطابق اس وقت صرف ن لیگ کا احتساب ہو رہا ہے۔ حکومت جو مرضی کرلے، نواز شریف کی سیاست کبھی ختم نہیں ہوسکتی۔ ن لیگ کو ایسے مواقع ملے کہ نواز شریف سزا سے بچ سکتے تھے۔ مفادات کی سیاست نہیں کر رہے۔ ملک میں آئین اور قانون کی بالادستی چاہتے ہیں۔

خواجہ آصف نے پیپلزپارٹی سے مختلف موقف پیش کر دیا، کہتے ہیں نہیں چاہتے حکومت گرائیں، انہیں لانیوالے شوق پورا کرلیں۔ 18 ویں آئینی ترمیم صوبوں کو اعتماد میں لیے بغیر ہوئی تو ملک کو ناقابل تلافی نقصان ہوگا۔

سابق وفاقی وزیر نے کہا کہ بیساکھیوں پر کھڑی حکومت 5 ماہ میں مکمل ناکام ہوئی ہے۔


ای پیپر