نواز، مریم اور کیپٹن صفدر کی سزا معطلی کی درخواستیں سماعت کیلئے منظور
کیپشن:   فوٹوبشکریہ فیس بک
13 اگست 2018 (14:26) 2018-08-13

اسلام آباد: اسلام آباد ہائیکورٹ میں نوازشریف ، مریم نواز اور کیپٹن صفدر کی سزا معطلی کی درخواستیں سماعت کیلئے منظور کرلی گئی ہیں۔

اسلام آباد ہائیکورٹ کے بینچ نے نواز شریف، مریم نواز اور کیپٹن (ر) صفدر کی سزا معطلی کی درخواستوں کی سماعت کی۔ جسٹس اطہر من اللہ نے استفسار کیا کہ کیا کسی پارٹی کو بنچ پر اعتراض ہے؟ جس پر نواز شریف کے وکیل خواجہ حارث نے کہا ہمیں کوئی اعتراض نہیں بلکہ مکمل اعتماد ہے۔ جسٹس اطہر من اللہ نے کہا کہ سزا معطلی کی درخواست پر پہلے سماعت کریں گے کم سزا کو پہلے سنتے ہیں۔

نیب پراسیکیوٹر سردار مظفر عباسی نے اعتراض کیا اور کہا کہ اپیلیں پہلے سنی جائیں جس پر جسٹس اطہرمن اللہ نے کہا کہ اپیل پہلے نہیں سن سکتے بلکہ سزا معطلی کی درخواست پہلے سنیں گے، اپیل اپنے نمبر پر سنی جائے گی، عدالت نے نیب کا اعتراض مسترد کردیا۔ نیب پراسیکیوٹر نے کہا کہ سزا معطلی کی اپیل 6 ماہ کے بعد سنی جاسکتی ہے۔

جسٹس اطہرمن اللہ نے کہا آپ کی بات ٹھیک ہے تو کیا ہائیکورٹس قانون کی خلاف ورزی کررہی ہیں؟ مشال خان کیس میں ملزمان کی سزا معطلی کی درخواست منظور ہوئی۔


ای پیپر