روس کی طرف سے حملے کی دھمکی پر امریکہ پیچھے ہٹ گیا
13 اپریل 2018 (18:57) 2018-04-13

ماسکو ، نیویارک : روس کی جانب سے سخت جوابی حملے کی دھمکی پر امریکا پیچھے ہٹ گیا ، سلامتی مشیروں سے ملاقات میں ٹرمپ نے شام پر حملے سے متعلق کوئی فیصلہ نہ کیا، برطانیہ اور فرانس کا امریکا کی آمادگی کا انتظار، روس نے ممکنہ حملہ روکنے کی کوششیں تیز کردیں، عالمی ادارے کی تحقیقاتی ٹیم شام روانہ ہوگئی ، تحقیقاات کا آغاز کرے گی۔


وائٹ ہائوس کی ترجمان نے کہا کہ ٹرمپ انٹیلی جنس معلومات کا جائزہ لے رہے، اتحادیوں سے بھی رابطے میں ہیں،ٹرمپ اور برطانوی وزیراعظم کی ٹیلی فون پر گفتگو ہوئی جس میں شام کو کیمیائی ہتھیاروں کے استعمال سے روکنے پر اتفاق کیا گیا ، برطانوی نے ہر صورت میں امریکا کا ساتھ دینے کا عزم کیاہے۔برطانوی کابینہ نے شام سے متعلق فیصلے کا اختیار وزیراعظم ٹیریزا مے کو دیدیا، صرف 22فیصد برطانوی شہری جنگ کے حامی ہیں۔


فرانسیسی صدر بھی شام پر حملے کیلئے پر تول رہے ہیں، جن کا کہناہے کہ کیمیائی ہتھیاروں کے استعمال کے شواہد موجود ہیں۔برطانوی اخبار نے ان فوجی اڈوں اور ہتھیار سازی کی فیکٹریوں کی نشاندہی کی ہے جو ممکنہ طور پر مغرب کے حملوں کا ہدف بن سکتی ہیں۔روسی سفیر نے کہا کہ امریکی بیانات سے لگتا ہے کہ روس امریکا جنگ خارج از امکان نہیں، روس کی پوری کوشش ہے کہ جنگ چھڑنے نہ دی جائے ۔


ای پیپر